کراچی (نیوز ڈیسک) سائنسدانوں نے لافانی جیلی فش کے راز جان لئے۔ یہ جیلی فش اپنی عمر کو بار بار پلٹ سکتی ہے۔ سائنس دانوں کو امید ہے کہ لافانی جیلی فش انسانی عمر کے بارے میں سراغ دے سکتی ہے۔اسپین میں سائنس دانوں نے ’لافانی امر جیلی فش‘ کے جینیاتی کوڈ کا انکشاف کیا ہے، جو ایک سمندری مخلوق ہے جو اپنے نوعمر لاروا کی شکل میں بار بار واپس آنے کی صلاحیت رکھتی ہے۔ یہ سمجھنے کے لیے کہ Turritopsis dohrnii میں یہ خاص صلاحیت کیوں ہے، ماریا پاسکول ٹورنر، وکٹر کوئساڈا اور Oviedo یونیورسٹی کے ساتھیوں نے T. dohrnii کی جینیاتی ترتیب کا موازنہ Turritopsis rubra سے کیا، جو ایک قریبی تعلق ہے جس میں جوان ہونے کی صلاحیت نہیں ہے۔سائنسدانوں نے جرنل پروسیڈنگز آف دی نیشنل اکیڈمی آف سائنسز میں لکھا ہے کہ Turritopsis dohrnii وہ واحد انواع ہے جو جنسی تولید کے بعد اپنے آپ کو بار بار جوان کرنے کے قابل ہوتی ہے اور اسے حیاتیاتی طور پر لافانی بناتی ہے۔جیلی فش کے ماہر اور فلوریڈا انسٹی ٹیوٹآف اوشیانوگرافی کے ڈائریکٹر مونٹی گراہم نے خبر رساں ایجنسی کو بتایا کہ ’ ہم اس نوع کے بارے میں جانتے ہیں کہ یہ 15-20 سالوں سے تھوڑی بہت ارتقائی چالیں چل سکتی ہے۔