لاہور(نیوز ڈیسک)میوزک انڈسٹری کے معروف گلوکار جواد احمد اپنا مقبول گانا وزیراعظم عمران خان کی ویڈیو پر لگا دیکھ کر غصے سے پھٹ پڑے۔

پاکستان تحریک انصاف کے سینیٹر عون عباس نے اپنے ٹوئٹر اکاؤنٹ پر وزیراعظم عمران خان کا پرانا ویڈیو کلپ شیئر کیا جس کے بیک گراؤنڈ میں جواد احمد کا مشہور گانا ’تُم جیتو یا ہارو‘ چل رہا ہے۔

یہ ویڈیو وزیراعظم عمران خان کا حوصلہ بلند کرنے کے لیے ان کی سپورٹ میں بنائی گئی ہے۔

گلوکار نے اس ویڈیو پر ردعمل دیا اور اپنی ٹوئٹ میں برہمی کا اظہار کرتے ہوئے کہا کہ ’میں نے یہ گانا جھوٹوں اور منافقوں کے لیے نہیں بلکہ اس ملک کے نوجوانوں کے لیے بنایا تھا۔‘

جواد احمد نے کہا کہ ’ملک کو تباہ کرنے پر پوری قوم چاہتی ہے کہ آپ لوگ ہاریں۔‘

یاد رہے کہ جواد احمد نے اپنا مقبول ترین گانا ’تُم جیتو یا ہارو‘ پاکستان کی نوجوان نسل کا حوصلہ بُلند کرنے کے لیے گایا تھا جس کی مقبولیت آج تک برقرار ہے۔

I did not write & sing this song for liars & hypocrites but for Pakistan’s youth. The whole nation wants you people to lose for destroying this country.

میں نےیہ گاناجھوٹوں اورمنافقوں کےلۓنہیں بلکہ اس ملک کےنوجوانوں کےلۓبنایاتھا۔ملک کوتباہ کرنےپرپوری قوم چاہتی ہےکہ آپ لوگ ہاریں۔ https://t.co/rNCNV6I5Pd

— Jawad Ahmad (@jawadahmadone) March 18, 2022