پیرس: کہتے ہیں شوق کا کوئی مول نہیں اور جنون کی کوئی حد نہیں۔ اس کا مظاہرہ فرانس میں ایک شخص نے اپنی 60 ویں سالگرہ پر بغیر کسی رسی کی مدد سے فلک بوس عمارت پر چڑھ کر کیا۔
عالمی خبر رساں ادارے کے مطابق کوہ پیمائی کا شوق رکھنے والے فرانسیسی شہری ایلین رابرٹ نے ٹور ٹوٹل انرجی کی 48 منزلہ عمارت کو بڑی مہارت سے اور بغیر کسی اضافی مدد کے عبور کرکے سوشل میڈیا پر “فرانسیسی اسپائیڈر مین” کا لقب حاصل کرلیا۔
Alain Robert climbed the 48-story Tour TotalEnergies building in Paris to celebrate his 60th birthday. 'I want to send people the message that being 60 years old is nothing. You can still do sport, be active, do fabulous things,' he said https://t.co/kotWiUMtQu pic.twitter.com/CuWQSENyCM
— Reuters (@Reuters) September 18, 2022
عمارت پر چڑھتے وقت اسپائیڈر مین جیسا لال لباس زئب تن کیے ایلین رابرٹ نے یہ کارنامہ اپنی 60 ویں سالگرہ کے موقع پر انجام دے کر یہ پیغام دیا کہ ابھی تو میں جوان ہوں۔
60 سالہ رابرٹ نے 187 میٹر بلند عمارت کو صرف 60 منٹ میں عبور کیا اور اوپر پہنچ کر فتح کے جذبے سے سرشار اپنے ہاتھوں کو بلند کرے کامیابی کا اعلان کیا۔
یہ پہلا موقع نہیں جب رابرٹ ٹور ٹوٹل انرجی ٹاور پر چڑھے وہ اس سے قبل موسمیاتی عمل کے بارے میں عوامی بیداری کو بڑھانے کے لیے متعدد بار اس کا مظاہرہ کر چکے ہیں۔
