کراچی (مانیٹرنگ ڈیسک )پاکستان اور عالمی مارکیٹ میں سونے کی قیمت میں ایک بار پھر کمی ہوگئی۔ فی تولہ 250 روپے جبکہ فی اونس نرخ 11 ڈالر سستا ہوگیا۔
صراف اینڈ جیولرز ایسوسی ایشن کے مطابق پاکستان میں سونے کے فی تولہ نرخ 250 روپے کمی سے ایک لاکھ 30 ہزار روپے جبکہ 10 گرام سونا 214 روپے سستا ہوکر ایک لاکھ 11 ہزار 454 روپے پر کا ہوگیا۔
پاکستان میں اکتوبر 2021ء کے آخری ہفتے میں سونا ایک لاکھ 32 ہزار روپے کی ریکارڈ سطح پر پہنچ گیا تھا۔
عالمی مارکیٹ میں سونے کے فی اونس نرخ 11 ڈالر کمی سے 1921 ڈالر کی سطح پر آگئے۔
ملک میں چاندی کی فی تولہ قیمت 1500 روپے اور 10 گرام 1286 روپے پر برقرار ہے۔ فی اونس چاندی کے نرخ 0.28 ڈالر کمی سے 25.00 ڈالر پر آگئے۔