اسلام آباد(مانیٹرنگ ڈیسک )اسلام آباد میں ہونے والے اسلامی تعاون تنظیم (او آئی سی) وزرائے خارجہ کونسل کے 48ویں اجلاس پر متحدہ اپوزیشن نے مشترکہ اعلامیہ جاری کردیا۔اعلامیہ میں کہا گیا ہے کہ اسلامی دنیا کے وزراء خارجہ، مندوبین، اور دیگر شخصیات کی آمد کا خیرمقدم کرتے ہیں، معزز مہمانوں کی آمد ہمارے لیے باعث افتخار ہے۔متحدہ اپوزیشن کے مشترکہ اعلامیہ میں کہا گیا ہے کہ او آئی سی مہمانوں کی موجودگی کے دوران خوشگوار ماحول کے لیے اپنے کردار کو یقینی بنائیں گے، ایسی فضا کے لیے بھرپور حصہ ڈالیں گے جس میں معزز مہمان اپنے امور پوری توجہ سے انجام دے سکیں۔اعلامیہ میں کہا گیا ہے کہ او آئی سی کے معزز مہمانوں کی تکریم کے لیے متحدہ اپوزیشن نے لانگ مارچ کی تاریخوں میں تبدیلی کی اور متحدہ اپوزیشن نے کارکنان کو 25 مارچ سے پیشتر اسلام آباد نہ آنے کی ہدایت کی۔متحدہ اپوزیشن کے مشترکہ اعلامیہ میں مزید کہا گیا ہے کہ پاکستان کے داخلی سیاسی حالات اور سیاسی کشمکش کو او آئی سی پر اثر انداز نہیں ہونے دیا جائے گا۔مشترکہ اعلامیہ میں امید ظاہر کی گئی ہے کہ معزز مہمان اچھی یادیں لےکر وطن واپس تشریف لے کر جائیں گے۔جاری اعلامیہ میں کہا گیا کہ پاکستان کے داخلی سیاسی حالات اور سیاسی کشمکش کو او آئی سی پر اثر انداز نہیں ہونے دیا جائیگا، ہم نے اپنے کارکنان کو 25 مارچ سے پہلے اسلام آباد نہ آنے کی ہدایت کی، معزز مہمانوں کے خیر مقدم و تکریم کیلئے متحدہ اپوزیشن نے لانگ مارچ کی تاریخوں میں تبدیلی کی، اعلامیہ میں کہا گیا کہ معزز مہمانوں کی اسلام آباد میں موجودگی کے دوران خوشگوار ماحول استوار کرنے میں کردار یقینی بنائیں گےمتحدہ اپوزیشن یقین دلاتی ہے ان کی آمد کے موقع پر پورا پاکستان انہیں خوش آمدید کہتا ہے، اعلامیہ میں کہا گیا کہ امید کرتے ہیں کہ معزز مہمانان گرامی کا اسلام آباد میں قیام خوشگوار رہے گا،ہم ان کی پذیرائی اور استقبال کے لیے چشم براہ ہیں، اعلامیہ متحدہ اپوزیشن کے مطابق کانفرنس میں افغانستان، جموں و کشمیر و فلسطین جیسے اہم مسائل پر غور ہونا ہے، وزرائے خارجہ اسلامی دنیا کو درپیش کثیر الجہتی درپیش اہم مسائل پر غور کیلئے اسلام آباد آ رہے ہیں،ان کے جذبے اور عزم کی تحسین کرتے ہیں۔