اسلام آباد:سات میچز کی ٹی ٹوئنٹی سیریز اپنے نام کرنے کے بعد انگلینڈ کرکٹ اسکواڈ واپسی کے لیے روانہ ہوچکا ہے تو دوسری جانب انگلینڈ کرکٹ بورڈ نے پاکستان کا شکریہ ادا کیا ہے۔

ٹوئٹر پر جاری بیان میں انگلینڈ بورڈ کی جانب سے مختلف تصاویر شیئر کرتے ہوئے پاکستان اور کرکٹ فینز کا شکریہ ادا کیا گیا ہے۔

Thank you, Pakistan ❤️

After 17 years of waiting, a wonderful cricket series and the wamest welcome from the people of this country 👏

🇵🇰#PAKvENG 🏴󠁧󠁢󠁥󠁮󠁧󠁿 pic.twitter.com/OUSRvMgZDM

— England Cricket (@englandcricket) October 2, 2022

تصاویر میں کرکٹ فینز کو انگلینڈ کا جھنڈا اٹھائے تو کہیں ٹیم سے محبت کا اظہار کرتے دیکھا جاسکتا ہے۔

انگلش کرکٹ بورڈ نے پاکستان کا شکریہ ادا کرتے ہوئے لکھا کہ 17 سال کے انتظار کے بعد قابل تعریف سیریز رہی اور پاکستان کے لوگوں نے والہانہ استقبال کیا۔

دوسری جانب انگلینڈ کے کھلاڑی بھی سوشل میڈیا پر پیغامات کے ذریعے پاکستان کا شکریہ ادا کرنا نہ بھولے۔

Brilliant end to a well fought series! A huge thanks to Pakistan for having us and an even bigger thanks to the security forces that looked after us so well. 🙏🏻 was a great experience 🏴󠁧󠁢󠁥󠁮󠁧󠁿🇵🇰 #thankyou #pakistan pic.twitter.com/u4EUtHXdgN

— Dawid Malan (@dmalan29) October 3, 2022

انگلش بلے باز ڈیوڈ ملان نے بھی پاکستان کا شکریہ ادا کرتے ہوئے  سیریز کی تعریف کی اور لکھا کہ پاکستان میں سکیورٹی کے انتظامات  بہترین تھے، یہاں کھیلنے کا تجربہ اچھا رہا۔

What a series!! Thank you Pakistan 💚 pic.twitter.com/xmmhB0Xzvm

— Ben Duckett (@BenDuckett1) October 2, 2022

وہیں بین ڈکٹ نے بھی  کھلاڑیوں کے ہمراہ تصویر شیئر کرتے ہوئے پاکستان کا شکریہ ادا کیا۔