لاہور: پاکستان کے دو لیجنڈری بولرز وسیم اکرم اور وقار یونس نے میگا ایونٹ ٹی ٹوئنٹی ورلڈکپ کے لیے اپنی اپنی من پسند پلیئنگ الیون کے بارے میں بتایا،دونوں سابق کرکٹرز کی جانب سے دو بہت ہی دلچسپ انتخابات کیے گئے.

وقار نے تجربہ کار کرکٹر شعیب ملک کو منتخب کیا جب کہ وسیم اکرم نے نوجوان کھلاڑی اعظم خان کا انتخاب کیا، وسیم اکرم نے اپنی منتخب کردہ مثالی ٹیم میں محمد رضوان، بابر اعظم، شان مسعود، افتخار احمد، اعظم خان، آصف علی، شاداب خان، محمد نواز، حارث رﺅف، شاہین شاہ آفریدی، نسیم شاہ کا انتخاب کیا جبکہ وقار یونس نے اپنی منتخب کردہ مثالی ٹیم میں محمد رضوان، بابر اعظم، فخر زمان، شان مسعود، شعیب ملک، آصف علی، شاداب خان، محمد نواز، حارث رﺅف، شاہین شاہ آفریدی، نسیم شاہ کا انتخاب کیا۔

متعدد سوشل میڈیا صارفین نے وقار یونس کی پلیئنگ الیون پر پسندیدگی کا اظہار کیا۔