اسلام آباد: وزیر اعظم شہباز شریف 12-13 اکتوبر کو قازقستان کے شہر آستانہ میں CICA کے چھٹے سربراہی اجلاس میں شرکت کریں گے۔ کابینہ کے ارکان اور اعلی حکام پر مشتمل وفد وزیرِ اعظم کے ہمراہ ہوگا۔
وزیر اعظم 13 اکتوبر کو CICA کے اجلاس سے خطاب کریں گے۔ وہ مشترکہ چیلنجوں سے نمٹنے کے لیے ایشیا بھر کے ممالک کے درمیان بات چیت، افہام و تفہیم اور تعاون کو فروغ دینے کے لیے ایک منفرد فورم کے طور پر CICA کی اہمیت کو واضح کریں گے۔ وزیراعظم علاقائی اور عالمی مسائل پر پاکستان کے نقطہ نظر کو بھی اجاگر کریں گے۔ سربراہی اجلاس کے موقع پر، وزیر اعظم مختلف CICA رکن ممالک کے رہنماؤں کے ساتھ دو طرفہ ملاقاتیں کریں گے جن کا مقصد ان ممالک کے ساتھ تجارت، سرمایہ کاری اور توانائی کے شعبوں میں تعاون کو فروغ دینا ہے۔ سیکا (CICA) ایک بین الحکومتی عمل ہے جس میں پورے ایشیا کے 27 ممالک شامل ہیں۔ 1992 میں قائم کیا گیا، یہ ایشیائی براعظم میں امن، سلامتی اور سماجی و اقتصادی ترقی کو فروغ دینے پر توجہ مرکوز کرتا ہے۔ پاکستان اس کے بانی ارکان میں سے ایک ہے۔ سیکا (CICA) بات چیت اور باہمی تعاون کے ذریعے علاقائی استحکام اور خوشحالی کے مقاصد کو آگے بڑھانے کے لیے ایک منفرد پلیٹ فارم فراہم کرتا ہے۔ یہ پانچ وسیع ڈومینز کے تحت اعتماد سازی کے اقدامات کو فروغ دیتا ہے: اقتصادی جہت، ماحولیاتی جہت، انسانی جہت، نئے چیلنجز اور خطرات، اور عسکری و سیاسی جہت۔ سیکا (CICA) سمٹ میں وزیر اعظم کی شرکت CICA کے چارٹر میں درج مقاصد کو مدنظر رکھتے ہوئے ایشیا میں روابط اور اقتصادی تعاون کو فروغ دینے کے لیے پاکستان کی طرف سے دی جانے والی اہمیت کی تصدیق کرتی ہے۔