اسلام آباد: سپریم کورٹ نے حمزہ شہباز شریف کی طلبی کا اخبار میں اشتہار جاری کرنے کا حکم دیدیا۔عدالت نے طلبی کے نوٹس کی عدم تعمیل پر اخبار میں اشتہار دینے کا حکم دیا۔عدالت نے نیب کی حمزہ شہباز کیخلاف اپیل پر حکم دیاجسٹس اعجاز الااحسن کی سربراہی میں تین رکنی بینچ نے سماعت کی۔ڈپٹی پراسیکیوٹر نیب نے کہا کہ فریقین کو نوٹسز کی تعمیل نہیں ہو سکی۔جسٹس اعجاز الااحسن نے کہا کہ رجسٹرار لاہور ہائیکورٹ کو بھی فریقین کو نوٹس کی تعمیل حکم دیا تھا۔واضح رہے لاہور ہائیکورٹ نے نیب کو حمزہ شہباز کو گرفتار کرنے سے پہلے دس دن پہلے اطلاع دینے کا حکم دیا تھا۔لاہور ہائیکورٹ کی آبزریوشنز کو نیب نے چیلنج کیا تھا۔ کیس کیسماعت غیر معینہ مدت تک ملتوی کردی گئی ۔