مالاگا(انٹرنیشنل ڈیسک) اسپین میں ایک طالب علم نے امتحان میں نقل کے لیے مضمون کا پورا نصاب اپنے 11 قلموں پر چھاپ لیا۔
مائیکرو بلاگنگ پلیٹ فارم ٹوئٹر پر وائرل ہونے والی تصاویر میں دیکھا جاسکتا ہے کہ قانون کے ایک طالب علم نے امتحان میں کامیاب ہونے کے لیے 11 قلموں پر پورا نصاب کندہ کیا ہوا ہے۔
تاہم، انتظامیہ کی جانب سے طالب علم کو نقل کرتے ہوئے پکڑ لیا گیا اور اس کے تمام قلم کو ضبط کرلیے گئے۔
گزشتہ ہفتے یولینڈا ڈی لُچی نامی ایک پروفیسر نے ٹوئٹر پر ان 11 قلموں کی تصاویر شیئر کیں۔ بظاہر دیکھنے میں یہ عام سے قلم دِکھائی دیتے ہیں لیکن غور سے دیکھنے پر اس کے پلاسٹک کے سانچے پر باریک لکھائی نظر آتی ہے۔
Haciendo orden en mi despacho he encontrado esta reliquia universitaria que confiscamos a un alumno hace unos años: el derecho procesal penal en bolis bic. Que arte! #laschuletasnosoncomoantes pic.twitter.com/3J4LMn0RQF
— Yolanda De Lucchi (@procesaleando) October 5, 2022
پروفیسر نے پوسٹ میں لکھا کہ اپنے آفس کو صاف کرتے ہوئے یونیورسٹی کی ایک یادگار ملی جس کو ہم نے کچھ سالوں قبل ایک طالب علم سے ضبط کیا تھا، قلموں پر لکھا گیا فوجداری قانون۔
شیئر کیے جانے کے بعد سے تصاویر کو 3.8 لاکھ بار لائک کیا جاچکا ہے جبکہ 24 ہزار سے زائد بار ری ٹوئٹ کیا گیا ہے۔
