کیف/ماسکو (نیوز ڈیسک)یوکرین میں روس کے فوجی آپریشن کا آج 27 رواں روز ہے۔ ادھر ماسکو نے اعلان کیا ہے کہ اس کے پاس 500 سے زیادہ یوکرینی قیدی موجود ہیں

اور وہ روسی فوجیوں کے ساتھ ان کے تبادلے کے لیے تیار ہے۔روس میں انسانی حقوق کی کمشنر تاتیانا موسکالکوفا کا کہنا ہے کہ ان کے ملک نے بین الاقوامی صلیب احمر تنظیم کو ایک فہرست ارسال کی ہے۔ اس میں 500 سے زیادہ قیدیوں کی تفصیلات ہیں۔

یہ بات روسی خبر رساں ایجنسی “انٹرفیکس” نے گزشتہ شام بتائی۔یوکرین میں روس کے فوجی آپریشن کا آغاز 24 فروری کو ہوا تھا۔ سابقہ انٹیلی جنس رپورٹوں کے اندازے کے مطابق یوکرین میں اب تک روس کے ہزاروں فوجی مارے جا چکے ہیں۔ تاہم ماسکو کی جانب سے سرکاری طور پر کسی اعداد و شمار کا اعلان نہیں کیا گیا۔

البتہ گذشتہ دنوں کے دوران میں روس نے یوکرین میں اپنے متعدد اعلی فوجی افسران کی ہلاکتوں کا انکشاف کیا۔ اس سے قبل کرملن کی جانب سے اعلان کیا جا چکا ہے

کہ جنگ میں مارے جانے والے یا قیدی بنا لیے جانے والے کسی بھی روسی فوجی یا اس کے اہل خانہ کے حقوق ضائع نہیں ہوں گے۔