کراچی(نیوز ڈیسک)پاکستان شوبز انڈسٹری کے نامور اداکار، سنگر اور میزبان احمد علی بٹ نے حکومت سے رمضان ٹرانسمیشن کے بجائے جعلی خبروں پر پابندی کا مطالبہ کردیا۔
سماجی رابطے کی ویب سائٹ انسٹا گرام پر احمد علی بٹ نے اپنی اسٹوری میں لکھا کہ جعلی خبروں، پیڈ نیوز اینکرز، پروپیگنڈے اور ٹی وی پر مذہب کا مذاق اڑانے والوں پر پابندی لگائیں۔
احمد علی بٹ نے کہا کہ رمضان میں معیاری گیم شوز وقت کی ضرورت ہیں، لیکن ہم سب جانتے ہیں کہ اچھے معیار کے گیم شوز پورے خاندان کے لیے خاص طور پر رمضان میں تفریح کے لیے بہت ضروری ہوتے ہیں۔ان کا مزید کہنا تھا کہ فہد مصطفیٰ جیسے لوگوں نے ہمیں معیاری تفریح فراہم کرنے کے لیے اپنا سب کچھ وقف کر دیا،
ہمیں اس طرح کے شوز پر فخر ہونا چاہیے، اس لیے ان حقیقی مسائل پر توجہ مرکوز کریں جن کا ہمارا ملک سامنا کر رہا ہے۔رمضان ٹرانسمیشن کے حوالے سے وفاقی حکومت نے ہدایات جاری کردیںملک بھر میں رمضان المبارک کے مہینے میں نشر کی جانے والی رمضان ٹرانسمیشن کے حوالے سے وفاقی حکومت کی جانب سے ہدایات جاری کی گئی ہیں۔
رمضان ٹرانسمیشن سے متعلق عوامی حلقوں کی شکایات پر وزیر مذہبی امور نور الحق قادری نے رمضان نشریات کے حوالے سے 6 رہنما اصول ارسال کر دیے ہیں۔اعلامیے کے مطابق سحر اور افطار کے اوقات میں گیم شو اور دیگر غیر سنجیدہ پروگرامز نشر کرنے سے اجتناب کیا جائے۔علاوہ ازیں رمضان میں غیر اخلاقی، غیر مناسب اشتہارات و پروگرام نشر کرنے پر پابندی لگائی جائے۔اس حوالے سے پریس آف پاکستان کو اعلامیہ بھی جاری کردیا گیا ہے
۔جاری کیے جانے والے اعلامیے کے مطابق معاشرے میں مذہبی و مسلکی ہم آہنگی کا فروغ رمضان نشریات کی اولین ترجیح ہونا چاہئے۔اسکے علاوہ رمضان نشریات میں متنازعہ مسائل، مسلکی بحث سے ہر ممکن اجتناب کیا جائے اور میزبان ضروری دینی و مذہبی علم سے آراستہ ہوں۔میزبان و مہمانوں کا ڈریس کوڈ ماہ رمضان کے تقدس کے مطابق ہو جبکہ مقدس شخصیات/مسالک کے ماننے والوں کا احترام ملحوظِ خاطر رکھا جانا چاہئے۔
رمضان ٹرانسمیشن سے متعلق عوامی حلقوں کی شکایات پر وزیر مذہبی امور @NoorulhaqPir نے @PresOfPakistan اور @PakPMO کو رمضان نشریات کے حوالے سے 6 رہنما اصول ارسال کر دیے:
1۔ معاشرے میں مذہبی و مسلکی ہم آہنگی کا فروغ رمضان نشریات کی اولین ترجیح ہونا چاہئے۔
1/3 pic.twitter.com/yQMnBIBv1c— Ministry of Religious Affairs & Interfaith Harmony (@MORAisbOfficial) March 17, 2022
