برطانوی نژاد امریکی سابق کک باکسر  اور انٹرنیٹ کی دنیا کی متنازع شخصیت اینڈریو ٹیٹ نے اسلام قبول کر لیا ہے۔

اینڈریو ٹیٹ نے اسلام قبول کرنے کی خبر اپنے سوشل میڈیا اکاؤنٹ ٹوئٹر پر شیئر کی ہے۔

واضح رہے کہ اینڈریو ٹیٹ سوشل میڈیا پر اپنے غیرمناسب، برے رویے کے سبب کافی شہرت رکھتے ہیں، اُنہیں منفی رویے کے سبب ٹک ٹاک کی دنیا کی متنازع شخصیت بھی قرار دیا جاتا ہے۔

اینڈریو ٹیٹ نے رواں ہفتے کے آغاز، 24 اکتوبر کو اپنے ٹوئٹر اکاؤنٹ پر اسلام قبول کرنے کا اعلان کرتے ہوئے ساتھ میں ایک ویڈیو بھی شیئر کی جس میں وہ مسجد میں نماز ادا کرتے ہوئے دیکھے جا سکتے ہیں۔

35 سالہ اینڈریو ٹیٹ کا اپنی اس ویڈیو کے کیپشن میں لکھنا تھا کہ اللّٰہ کی محبت، دل کی طاقت، دل کا رزق اور دل کا نور ہے۔

https://twitter.com/CobraTateKING/status/1584549763231322112?ref_src=twsrc%5Etfw%7Ctwcamp%5Etweetembed%7Ctwterm%5E1584549763231322112%7Ctwgr%5E23f9a8a93242bde7355f4ca75876f5f3d0fbac3c%7Ctwcon%5Es1_&ref_url=https%3A%2F%2Fjang.com.pk%2Fnews%2F1151786

اینڈریو ٹیٹ کا اپنے حالیہ بیان میں اسلام قبول کرنے سے متلعق کہنا تھا کہ میں مسلمان ہوں اور کوئی بھی عیسائی جو اچھائی پر یقین رکھتا ہے اور برائی کے خلاف حقیقی جنگ کو سمجھتا ہے اِسے بھی مذہب تبدیل کر لینا چاہیے۔

یاد رہے کہ اس سے قبل امریکی سابق کِک باکسر اینڈریو ٹیٹ نے اسلام کو دنیا کا آخری اور سچا مذہب قرار دیا تھا اور اب انہوں نے نماز پڑھتے ہوئے اسلام قبول کرنے کی خبر کی تصدیق کر دی ہے۔

اینڈریو ٹیٹ کو متنازع شخصیت کیوں قرار دیا جاتا ہے؟

سابق کِک باکسر اینڈریو ٹیٹ کا کہنا ہے کہ خواتین کو صرف گھر تک محدود رہنا چاہیے، خواتین کو گاڑی چلانے کی اجازت بھی نہیں ہونی چاہیے۔

اینڈریو ٹیٹ کے مطابق خواتین مرد کی ملکیت ہیں۔

اینڈریو کا خیال ہے کہ  عصمت دری کا شکار ہونے والی 18 سے 19 سالہ خواتین کو اپنے اوپر ہونے والے زیادتی کے حملے کی ذمہ داری کو قبول کرنا چاہیے۔

اینڈریو کی جانب سے سوشل میڈیا پر پوسٹ کی جانے والی ویڈیوز میں وہ خود کو ایک پلے بوائے (بگڑے ہوئے مرد) کی طرح بھی پیش کر چکے ہیں۔

اینڈریو کی اِن ویڈیوز میں جدید کاروں، بندوقوں کے ساتھ تصویریں بنوانے سمیت سگار سلگھاتے ہوئے بھی دیکھا گیا ہے۔

واضح رہے کہ اینڈریو ٹیٹ کے سوشل میڈیا اکاؤنٹس کو آج کل پابندی کا سامنا ہے، اُن کا صرف ٹوئٹر اکاؤنٹ متحرک ہے۔