کراچی (نیوز ڈیسک) معروف اداکارہ و فلم پروڈیوسر حریم فاروق نے ٹی وی اسکرین سے دوری بارے کہا کہ وہ نہیں کروں گی جو سب لوگ کررہے ہیں میں اپنا راستہ خود بنانا چاہتی ہوں ۔
حریم فاروق سے ان کے ایک حالیہ انٹرویو میں ان کی ٹیلی ویژن اسکرین سے دوری کی وجہ پوچھی گئی جس پر اداکارہ کا کہنا تھاکہ وہ کامیابی کے اسی فارمولے کو نہیں اپنانا چاہتی تھیں
جس پر انڈسٹری کے سبھی لوگ عمل کر رہے ہیں۔ انہوں نے کہا کہ وہ اپنا راستہ خود بنانا چاہتی تھیں۔ انہوں نے مزید کہا کہ وہ مختلف کردار کرنا چاہتی تھیں
اور وہ ایسے کردار کریں گی جوکہ ان کی اداکارانہ صلاحیتوں کو چیلنج کریں۔ حریم نے اپنے اس انٹرویو میں یہ بھی انکشاف کیا کہ وہ جلد ہی وہاج علی کے ساتھ نئے ڈرامے میں ایک خاتون کرکٹر کا کردار ادا کرتی نظر آئیں گی۔









