اسلام آباد(مانیٹرنگ ڈیسک )وفاقی وزیرداخلہ شیخ رشید احمد نے کہاکہ کل تحریک انصاف کا تاریخی جلسہ ہوگا،اسلام آباد ہائی کورٹ میں پٹیشن جمع کرائی ہے۔

یہ لوگ بوکھلائے اور گھبرائے ہوئے ہیں۔ان خیالات کااظہار وزیرداخلہ نے پریس کانفرنس سے خطاب کرتے ہوئے کیا۔انہوں نے کہاکہ کل اسلام آباد لوگ آرہے ہیں اس میں رکاوٹ ڈالنے کی کوشش کی جارہی ہے،سری نگر ہائی وے رینجرز اور ایف سی کے حوالے کردیا ہے،وزیرداخلہ کاکہناتھاکہ امن و امان کے لیے 15ہزار اہلکار تعینات کیے ہیں،

ن لیگ نے سری نگر ہائی وے کی درخواست دی جسے ہم نے مسترد کیاانہوں نے کہاکہ جے یو آئی کے سینیٹر نے کہا ہے کہ قانون کی پاسداری کریں گے۔عدالت کے احکامات پرہم سختی سے عمل کریں گے۔وزیرداخلہ کاکہناتھاکہ اسپیشل برانچ سے اطلاعات ہیں اپوزیشن بوکھلاہٹ کا شکار ہے۔تحریک انصاف کی ریلیوں میں رکاوٹ ڈالی جاری ہے،2ہزر رینجرز ، 2 ہزار ایف سی اور 2 ہزار دیگر اہلکار سرینگر ہائی وے پر تعینات ہوں گے۔

شیخ رشید کاکہناتھاکہ اسلام آباد میں جلسے کی سب کو اجازت ہے دھرنے کی کسی کو نہیں،جے یو آئی کو اگر کل بھی جلسہ کرنا ہے تو نئی درخواست دینی ہوگی،ایچ نائن گراؤنڈ جے یو آئی کو دیا ہے،وزیرداخلہ کاکہناتھاکہ اپوزیشن کے تمام جماعتوں اور اراکین کو تحفظ دیں گے۔منحرف لوگ اسلام آباد کے فائیو اسٹار ہوٹلوں میں مزے کررہے ہیںوزیرداخلہ کاکہناتھاکہ اللہ کو منظور ہوا تو اتحادی ہمارے ساتھ ہوں گے،ناظم جوکھیو کے قتل میں نامزد ملزم دبئی سے آرہے ہیںجام عبدالکر یم کوگرفتارکرکے سندھ پولیس کے حوالے کیاجائے گا،انہوںنے کہاکہ ساری دنیا کی نظریں پاکستان کی جانب مبذول ہیں،اگر کسی نے قانون کو ہاتھ میں لیا تو قانون ان کو ہاتھ میں لے گا،وزیرداخلہ نے کہاکہ ملک میں غیر یقینی کی صورتحال سے دشمن فائدہ اٹھا سکتاہے،

اہم دن ہے، سیاسی جماعتوں کو ذمہ داری کا مظاہرہ کرنا ہوگا،میں بتا نہیں سکتا کہ ملک دشمنوں کا ایجنڈا کیا تھا،عدم اعتماد کی تحریک ختم ہونے کے بعد بریکنگ دوں گا،وزارت داخلہ وزیر اعظم اورکابینہ کی منظوری سے فوج طلب کرسکتی ہے۔

اللہ نہ کرے کہ ایسی صورتحال پیدا ہوجائے کہ فوج بلانی پڑے،اپوزیشن والوں سے کہہ رہا ہوں ٹکراو سے گریز کریں،ہماری کوشش ہے کہ یہ 7دن خوش اسلوبی سے گزریں،پی ٹی آئی کو پریڈ گراونڈ میں جلسے کی اجازت دی ہے،وزیرداخلہ نے کہاکہ عمران خان ان دنوں بہت مقبول ہوئے ہیںوزیر اعظم کو گورنر راج کی تجویز دی جو مسترد کردی گئی،میری رائے ہے کہ وقت سے پہلے انتخابات کی طرف جانا چاہیے،عمران خان میری رائے سے اتفاق کرتے ہیں تو صحیح ہے،اتحادیوں اور ناراض اراکین سے بات چیت چل رہی ہے،

عمران خان کو کہا ہے بجٹ کے بعد الیکشن کی جانب جانا چاہیے،ریڈ زون میں کسی کے داخلے کی اجازت نہیں ہوگی،میں جس شخص کو جانتاہوں ان کا نام عمرا ن خان ہے۔انہوں نے کہاکہ راولپنڈی کی ریلی سب سے بڑی ریلی ہوگی،میں عمران خان کے ساتھ کھڑا ہوں،سپریم کورٹ نے کہا ہے کہ امن و امان کو براقرار رکھیں،ہم امن و امان برقرار رکھنے کے پابند ہیں،

ڈی جی ایف آئی کو کہا ہے جو پاک فوج کے خلاف مہم چلارہے ہیں ان کو گرفتار کریں،امتحان کے وقت دوست ساتھ کھڑا ہوتا ہے۔انہوں نے کہاکہ کسی نے دھرنا دیا تو ہائیکورٹ سپریم کورٹ کے احکامات پر عمل کرینگے،وزیرداخلہ کاکہناتھاکہہ کہاں گیاان کاووٹ کوعزت دو کابیانیہ ،دھرنا دینے والے دھر لیے جائیں گے۔