سڈنی : پاکستان اور نیوزی لینڈ کے درمیان ٹی ٹوئنٹی ورلڈکپ کا  پہلا سیمی فائنل آج کھیلا جائے گا،جس کے لیے کرکٹ شائقین کا فی پرجوش ہیں ، لیکن بارش اور  موسم کو لے کر شائقین کافی تذبذب  کا شکار ہیں ، لیکن آج کے دن سڈنی میں بارش کا کوئی امکان نہیں ہے ۔

نجی ٹی وی چینل کے مطابق  آج سڈنی میں  بارش کے 8 سے 24 فیصد امکان ہے ، عام طور پر مطلع صاف رہے گا تاہم جزوی طور پر ابر آلود بھی ہوسکتا ہے,درجہ حرارت دن کے اوقات میں 22 ڈگری تک رہنے کا امکان ہے جب کہ 15 سے 30 کلو میٹر فی گھنٹہ کی رفتار سے ہوائیں چلیں گی۔

دوسری جانب میڈیا رپورٹس میں سڈنی کرکٹ گراؤنڈ کی پچ سے متعلق بتایا گیا ہےکہ اس گراؤنڈ کی پچ ہمیشہ بلے بازوں کے لیے بہترین رہی ہے اس لیے دونوں جانب سے کل تابڑ توڑ رنز اسکور کیے جانے کا امکان ہے جب کہ پہلے بلے بازی کرنے والی ٹیم 170 سے 180 تک کا ٹارگٹ دے سکتی ہے,اس کے علاوہ نئی بال سے بال کرانے والے بالرز کے لیے پچ مددگار ثابت ہوگی۔