اسلام آباد(نیوز ڈیسک )وفاقی وزیر مواصلات و پوسٹل سروسزمراد سعید نے چیئرمین پیپلزپارٹی بلاول بھٹوزرداری کے پاراچنار جلسے پرردعمل کااظہارکرتے ہوئے کہاکہ مالاکنڈ کے بعد سیاسی مسخرے کو مسترد کرنے پر پارا چنار کے عوام بھی مبارکباد کے مستحق ہیں،
چوروں کا ٹولہ ملک میں جہاں بھی جاتا ہے رسوائی کا سامنا رہتا ہے،شکست کے واضح آثار نے سارے ٹولے پر پاگل پن سوار کررکھا ہے،مراد سعید نے کہاکہ اس سارے خطے کو موت کی وادی پرچی چیئرمین کی جماعت نے بنایا،فرزندِ زرداری کی جماعت شہداء کے وارث نہیں
انکے ہاتھ معصوموں کے خون سے رنگے ہوئے ہیں،انہوں نےکہاکہ پیپلزپارٹی کی اجازت سے امریکی ڈرون حملے آسمان سے موت برساتے رہے،پرچی چیئرمین کی جماعت نے ملک کو بلیک واٹرز کی چراگاہ بنایا،اپنی تجوریاں بچانے کیلئے پرچی چیئرمین کے والد نے ملکی خودمختاری کو گروی رکھا،انہوں نے کہاکہ اسلاموفوبیا پر امت کی آواز ابھرتے دیکھ کر پرچی چیئرمین نے او آئی سی میں رخنہ اندازی کی دھمکی دی،
یورپی یونین کو وزیراعظم کے باغیرت جواب سے پرچی چیئرمین اور والد کی کانپیں ٹانگیں،انہوں نے کہاکہ کراچی سے خیبر تک متحرک عوام پیغام دے رہی ہے کہ دوبارہ لٹیروں کی باتوں میں نہیں آئیں گے،
عدم اعتماد کی تحریک قدموں تلے روندتے ہوئے کل لاکھوں لوگ پریڈ گراؤنڈ سے ڈاکوؤں کے اس ٹولے کو پیغام بھیجیں گے
