اسلام آباد(مانیٹرنگ ڈیسک)حکومتی وفداور ایم کیو ایم کے رہنماوں کے درمیان مذاکرات کا اہم دورہفتہ کی شب اسلام آباد میں ہوا ۔حکومتی وفد کی قیادت وزیرخارجہ شاہ محمود قریشی نے کی جب کہ وفد میں پرویزخٹک، اسدعمر،علی زیدی اور گورنرسندھ عمران اسماعیل شامل تھے ،ایم کیوایم کے وفدکی قیادت کنوینئر خالد مقبول نے کی جب کے وفد میں فروغ نسیم، امین الحق، عامرخان،صادق افتخار،جاویدلطیف،خواجہ اظہارالحسن، وسیم اختر شامل تھے۔ پارلیمنٹ لاجز میں مذاکرات کے بعد نجی ٹی وی سےگفتگوکرتے ہوئے وزیرخارجہ شاہ محمود قریشی نے کہا کہ پی پی نے ایم کیو ایم کو سبز باغ دکھائے ہیں اور وہ پی پی کی باتوں میں نہیں آئے گی۔شاہ محمود قریشی نے کہا کہ ایم کیو ایم پاکستان کے ساتھ آج کی نشست بہت اچھی رہی۔شاہ محمود قریشی نے کہا کہ ایم کیوایم پاکستان کیساتھ نشست آج بہت اچھی رہی ہے، ایک دوسرےسے کھل کراور دل کی باتیں کی گئیں، ایک دوسرے کا نقطہ نظر سمجھا اور سمجھانے کی کوشش کی، ان شااللہ اتحادیوں کیساتھ آج ملاقاتیں نتیجہ خیزہوسکتی ہیں۔ان کا کہنا تھا کہ پیپلزپارٹی نےایم کیوایم کوسبزباغ دکھانےکی کوشش کی، میں نہیں سمجھتاایم کیوایم پی پی کی باتوں میں آجائےگی، لوگوں کا ماضی دیکھا جاتا ہےاور حال دیکھ کر ہی فیصلہ کیا جاتا ہے اور پی پی کا ماضی اور حال کسی سے پوشیدہ نہیں ہے، ایم کیو ایم کل بھی ہمارے ساتھ تھی اور آج بھی ساتھ ہے،شاہ محمود کا کہنا تھا کہ معاہدےمختلف لوگوں سے ہوتے رہے ہیں، معاہدوں پر کتناعمل کیا گیا ہے یہ بھی دیکھا جاتا ہے، قمر زمان کائرہ کچھ بھی کہیں فرق نہیں پڑتا، پیپلز پارٹی کے پنجاب اسمبلی میں کتنے ممبران ہیں، وہ کیسے پنجاب میں وزیراعلیٰ لاسکتی ہے۔شاہ محمود قریشی نے آج حکومت کی اتحادی جماعتوں کے حوالے سے ہونے والے مذاکرات کی تفصیلات بتانے سے گریز کرتے ہوئے کہا کہ اتحادیوں کیساتھ گفتگو امانت ہےجس پر بات نہیں کرسکتا تاہم وزیراعظم سےملاقات میں ان کی ساری معروضات رکھ دی جائیں گی۔