لاہور (ڈیلی پاکستان آن لائن )قومی ٹیم کے سابق کپتان سرفراز احمد کے بیٹے کی باولنگ کا سٹائل دیکھ کر نائب کپتان شاداب بھی حیران ہوئے اور ٹویٹر پر دلچسپ مکالمے نے صارفین کواپنے سحر میں جکڑ لیا ۔
سابق کپتان پاکستان کرکٹ ٹیم سرفراز احمدنے ٹوئٹر پر ایک ویڈیو شیئر کرتے ہوئے آل راو¿نڈر کو ٹیگ کیا اور لکھا ”شاداب چیک کرو“۔
@76Shadabkhan check karo https://t.co/6qfDaVKhga
— Sarfaraz Ahmed (@SarfarazA_54) November 17, 2022
ویڈیو میں سابق کپتان کے چھوٹے سے بیٹے عبداللہ کو سٹیڈیم میں والد سرفراز احمد کو بولنگ پریکٹس کرتے دیکھا جا سکتا ہے۔جس کے بعد شاداب خان نے سرفراز احمد کی ویڈیو پر ردعمل کا اظہار کرتے ہوئے لکھا کہ ”عبداللہ نے پہلے سیفی بھائی کے دل میں میری جگہ لی، اب پاکستانی ٹیم میں میری جگہ نہ لے لے“۔
Abdullah ne pehle saifi bhai ke dil mai meri jaga le li ab Pakistan team mai meri jaga na le jaye @SarfarazA_54 https://t.co/mRFhsnT5aC
— Shadab Khan (@76Shadabkhan) November 17, 2022
شاداب کے ردعمل پر سرفراز نے جواباًلکھا کہ ”ایسا نہیں ہونے والا آپ اور عبداللہ دونوں دل میں ایک ساتھ ساتھ آئے تھے اور ہمیشہ رہیں گے۔“جس پر شاداب نے سرفراز کا شکریہ بھی ادا کیا۔
شاداب خان کے اس دلچسپ جواب پر سوشل میڈیا صارفین کی جانب سے بھی مزے مزے کے تبصرے کیے جا رہے ہیں، کوئی شاداب خان کے سینس آف ہیومر کو داد دے رہا ہے تو کوئی شاداب کو اپنی جگہ بچانے کا مشورہ دے رہا ہے۔
