فیفا ورلڈ کپ کے موقع پر اسٹار فٹبالر کرسٹیانو رونالڈو نے امریکا کے شہر نیویارک کے شہرہ آفاق ٹائمز اسکوائر پر اپنے نئے مومی مجسمے کو لوگوں کے ساتھ شیئر کیا ہے۔
کرسٹیانو رونالڈو نے سوشل میڈیا اکاؤنٹ پر اپنے نئے مومی مجسمے کی ویڈیو شیئر کی ہے جو مشہور مادام تساؤ میوزیم میں رکھا گیا ہے۔
ٹائمز اسکوائر پر ڈیجیٹل اسکرینوں کی شکل میں نصب بل بورڈز پر کرسٹیانو رونالڈو کا نام اور جھلک دیکھتے ہی مداحوں کی بڑی تعداد جمع ہو گئی اور انہوں نے فوراً ہی ویڈیو ریکارڈ کرنے کے لیے اپنے موبائل فونز بھی نکال لیے۔
اسٹار فٹبالر نے لوگوں کی توجہ حاصل کرنے کے لیے بہت ہی دلچسپ انداز اپنایا۔
غیر ملکی میڈیا کے مطابق پرتگال کے کرسٹیانو رونالڈو اپنے کیریئر کے دوران پانچواں ورلڈ کپ کھیل رہے ہیں جس کا آغاز آج سے قطر میں ہو رہا ہے۔
فیفا ورلڈکپ کا پہلا میچ میزبان قطر اور ایکواڈور کے درمیان کھیلا جائے گا۔
واضح رہے کہ مادام تساؤ میوزیم میں علم و فنون اور کھیلوں سمیت دیگر میدانوں میں کارہائے نمایاں سرانجام دینے والی دنیا کی معروف شخصیات کے موم سے بنے مجسمے رکھے جاتے ہیں جو بالکل اصلی لگتے ہیں۔
Taking over Times Square with my new wax figure and showing Portugal to the world! #madametussaudsusa#visitportugal pic.twitter.com/Ud1gKxyLdU
— Cristiano Ronaldo (@Cristiano) November 19, 2022
