17 سال بعد دورہ پاکستان پر آنے والی انگلینڈ کی مشہور کرکٹ شائقین کی نمائندگی کرنے والی تنظیم بارمی آرمی پاکستان کے خوبصورت نظاروں سے محظوظ ہو رہی ہے۔
بارمی آرمی کے ٹوئٹر اکاؤنٹ سے پاکستان کے حوالے سے متعدد ٹوئٹس کا سلسلہ جاری ہے جب کہ آج 7 دسمبر کی صبح بھی اس اکاؤنٹ سے کئی ٹوئٹس کی گئیں جس سے اندازہ لگایا جاسکتا ہے کہ بارمی آرمی اس وقت لاہور میں ہے۔
لاہور میں واقع خوبصورت تاریخی بادشاہی مسجد کا سحر اس تنظیم پر بھی طاری ہوگیا۔
How beautiful is this mosque in Lahore 😍 pic.twitter.com/slGRGvFWIu
— England's Barmy Army 🏴🎺 (@TheBarmyArmy) December 7, 2022
ٹوئٹ میں بادشاہی مسجد کی بلندی سے لی گئی تصویر شیئر کی گئی اور لکھا ‘لاہور کی یہ مسجد کتنی خوبصورت ہے’۔
ساتھ ہی انہوں نے واہگہ بارڈر پر ہونے والی تقریب میں بھی شرکت کی، اپنی ٹوئٹ میں بارمی آرمی نے لکھا ‘ہوسکتا ہے ہم اگلے سال یہ تقریب بھارت کی طرف سے دیکھ رہے ہوں’۔
The Wagah Border ceremony atmosphere 🔥
We might have to go and see it from the India side next year too! pic.twitter.com/1XDBZaghvA
— England's Barmy Army 🏴🎺 (@TheBarmyArmy) December 7, 2022
ساتھ ہی بارمی آرمی نے مشہورِ زمانہ پاکستانی مسٹر بین سے متعلق بھی پوچھا۔
انہوں نے ٹوئٹ میں کہا ‘کوئی ہمارا رابطہ پاکستانی مسٹر بین سے کرواسکتا ہے؟، ہم پاکستان میں ہوتے ہوئے اُس سے ملنا چاہتے ہیں’۔
خیال رہے کہ پاکستان اور انگلینڈ کے درمیان دوسرا ٹیسٹ 9 دسمبر بروز جمعے سے ملتان میں شروع ہورہا ہے۔
