راولپنڈی (مانیٹرنگ ڈیسک )آرمی چیف جنرل قمر جاوید باجوہ سے سابق امریکی نمائندہ خصوصی زلمے خلیل زاد نے ملاقات کی جس میں باہمی دلچسپی کے امور اور علاقائی سیکیورٹی صورت حال پر تبادلہ خیال کیا گیا۔پاک فوج کے شعبہ تعلقات عامہ ( آئی ایس پی آر ) کے مطابق آرمی چیف جنرل قمر جاوید باجوہ سے سابق امریکی نمائندہ خصوصی زلمے خلیل زاد نے ملاقات کی جس میں افغانستان سمیت علاقائی سلامتی کی صورتحال، پاک امریکہ دو طرفہ تعاون سے متعلق امور پر بات چیت کی گئی۔آئی ایس پی آر کے مطابق زلمے خلیل زاد اسلام آباد سیکیورٹی ڈائیلاگ کے شرکاء میں شامل ہیں۔ترجمان پاک فوج کے مطابق آرمی چیف نے اسلام آباد سیکیورٹی ڈائیلاگ میں شرکت پر زلمے خلیل زاد کا شکریہ ادا کیا۔آئی ایس پی آر کے مطابق افغانستان کی صورت حال اور مختلف شعبوں میں دو طرفہ تعلقات پر تبادلہ خیال کیا گیا۔آرمی چیف نے افغانستان میں انسانی بحران کےخطرے سے نمٹنے کے لیے عالمی کوششوں کی ضرورت پر زور دیا۔