اسلام آباد(مانیٹرنگ ڈیسک) مسلم لیگ (ن) کی ترجمان مریم اورنگزیب نے وزیر اطلاعات فواد چودھری کے بیان پر ردعمل دیتے ہوئے کہا ہےکہ بنی گالہ میں دو دن کے لئے نظر بند کر دیں – اُن کی جان کو خطرہ نہیں بلکہ اُن سے ملک کو خطرہ کے اب کیونکہ انھوں نے کہا تھا کہ میں خطرناک ہو جاؤں گا۔انہوں نے کہا کہ نواز شریف شہباز شریف کرتے کرتے آئے تھے اور نواز شریف شہباز شریف کرتے کرتے جا رہے ہیں۔ مسلم لیگ (ن) کی ترجمان کا کہنا تھا کہ فواد پریس کانفرنس نہ کرو اپنی سی وی آپ ڈیٹ کرو،‎ عمران صاحب ایک ایک منٹ اقتدار سے چمٹے رہنے کی تاریخ بنا رہے ہیں۔ مریم اورنگزیب نے کہا کہ فواد صاحب چودھری صاحب وزیر بنے ہو یا جج بنے ہو جو شہباز شریف اور حمزہ شہباز کی بیل کینسل کرواؤ گے ؟عقل کرو کیوں مزاق بنوا رہے ہو۔ انہوں نے یہ بھی کہا کہ عمران صاحب کا کرپشن کا بیانیہ ملکی اور غیر ملکی عدالتوں ، ہر قانونی فورم پرپٹ گیا۔ دھمکیاں دے کر ، غنڈاگردی کر کے عدم اعتماد نہیں جیتی جاتی اُس کے لئے 172 ارکان کی ضرورت ہوتی ہے۔پاکستان مسلم لیگ (ن) کی ترجمان مریم اورنگزیب کا اپنے پیغام میں مزید کہنا تھا کہ اتوار کو نہ صرف ہفتہ وار چھٹی ہو گی بلکہ ظالم حکمرانوں کی پکی چھٹی بھی ہو جائے گی، انشا اللہ۔