سیول(مانیٹرنگ ڈیسک) جنوبی کوریا میں تربیتی پرواز کے دوران فضا میں 2 فوجی طیاروں آپس میں ٹکرا گئے جس کے نتیجے میں 4 پائلٹ ہلاک ہوگئے۔عالمی خبر رساں ادارے کے مطابق جنوبی کوریا کے مشرقی شہر ساچیون میں واقع کے ٹی و ن ایئر بیس کے نزدیک دو فوجی طیارے آپس میں ٹکرا گئے۔ طیاروں میں لگنے والی آگ اتنی شدید تھی کہ اسے بجھانے کے لیے فائر بریگیڈ کے عملے کے 30 ارکان کو طلب کیا گیا تھا جنھوں نے ایک گھنٹے کی جدوجہد کے بعد آگ پر قابو پالیا۔طیارے کے ملبے سے 3 لاشیں نکالی گئیں جب کہ ایک پائلٹ لاپتہ تھا جس کی لاش سرچ آپریشن کے دوران قریبی علاقے سے مل گئی، ہلاک ہونے والے پائلٹس کی شناخت ظاہر نہیں کی گئی ہے۔