اسلام آباد(نیوز ڈیسک)شاہد خاقان عباسی نے کہا ہے کہ عثمان بزدار سے اظہار ہمدردی کرتا ہوں۔
مسلم لیگ ن کے رہنما شاہد خاقان عباسی نے پریس کانفرنس کرتے ہوئے کہا ہے کہ عدم اعتماد کے ووٹ کا دن قریب آرہا ہے اور حکومت کی بوکھلاہٹ بڑھ رہی ہے۔

انہوں نے کہا کہ عثمان بزدار سے اظہار ہمدردی کرتا ہوں، کچھ ماہ پہلے سب سے بہترین وزیراعلیٰ جس کو کہا گیا اسی سے ہی استعفیٰ لے لیا گیا، عثمان بزدار کو یہ نہیں پتہ تھا کہ استعفیٰ وزیراعظم کو نہیں گورنر کو دینا ہے۔

شاہد خاقان عباسی نے کہا ہے کہ آج عثمان بزدار کی گاڑی پر جھنڈا نہیں تھا، ہمدردی ہے مگر ان کو کرپٹ حکومت کا حساب دینا ہوگا، وزیراعظم وفاقی وزراء کو ڈھونڈ رہے ہیں مگر وہ نہیں مل رہے۔