لندن (مانیٹرنگ ڈیسک )لندن میں مسلم لیگ (ن) کے قائد اور سابق وزیراعظم نواز شریف پر حملے کی کوشش کی گئی۔لندن میں دفتر کے باہر نواز شریف پر نوجوان نے حملے کی کوشش کی اور انہیں موبائل فون دے مارا لیکن خوش قسمتی سے وہ بچ گئے،فون سابق وزیراعظم نواز شریف کے گارڈ کو لگا جس سے وہ زخمی ہوگیا۔پاکستان مسلم لیگ (ن) کے صدر اور قائد حزب اختلاف شہبازشریف نے لندن میں نوازشریف پر حملے کی کوشش کی شدید مذمت کرتے ہوئے کہا کہ نوجوان کے حملے کی کوشش انتہائی باعث تشویش اور لائق مذمت ہے۔انہوں نے کہا کہ اللہ کا شکر ہے کہ حملے میں محمد نوازشریف محفوظ رہے، ہماری شرافت کو کمزوری نہ سمجھیں، خوف خدا کریں۔شہباز شریف نے کہا کہ اس سے پہلے بھی سیاسی نفرت میں لوگوں کو ورغلایاگیا، گھروں پر حملے ہوئے جو موبائل محمد نوازشریف کو طرف پھینکا گیا، وہ گارڈ کو لگا جس سے وہ زخمی ہوا۔مسلم لیگ ن کے صدر نے کہا کہ پی ٹی آئی انتہاء پسند جماعت بن چکی ہے، تشدد، گالی، حملے اس کی پہنچان ہیں، یہ افسوسناک رویہ مہذب جمہوری اقدار، اسلامی تعلیمات اور معاشرتی روایات کے منافی ہے۔ان کا کہنا تھا کہ ماہ رمضان کے آغاز پر یہ شیطانی رویہ دین مبین کی روشن تعلیم کے منافی ہے، ہم دیکھ چکے ہیں کہ عمران نیازی نے اپنے ہی ارکان قومی اسمبلی کے گھروں پر پتھراؤ اور حملہ کرایا۔شہباز شریف نے کہا کہ اس شکست خوردہ ذہنیت سے برآمد ہونے والا انتشار معاشرے کے لئے زہر قاتل ہے، اسے روکنا ہوگا، ہمارے حوصلے ان کم ظرف رویوں سے پست نہیں ہوں گے، ہماری آئینی وجمہوری جدوجہد کامیاب ہوگی۔انہوں نے مزید کہا کہ ان شاءاللہ کل کا سورج ملک سے بدتمیزی، بدتہذیبی ، جھوٹ، وعدہ خلافی، یوٹرن، کرپشن اور عدم برداشت کے اندھیروں کو مٹانے کے لئے طلوع ہوگا۔
لندن میں دفتر کے باہر نواز شریف پر نوجوان کی حملے کی کوشش موبائل فون دے مارا فون گارڈ کو جا لگا گارڈ زخمی گارڈ زخمی قائد ن لیگ دفتر سے باہر نکل رہے تھے ایک نوجوان بدتمیزی کرتے ہوئے نواز شریف پر حملے کی کوشش کی گارڈز کے روکنے پر فون نواز شریف کو دے مارا جو گارڈ کو لگا pic.twitter.com/ZnzGX8oDLY
— Azhar Javaid (@azharjavaiduk) April 2, 2022
