لاہور: سابق صدر آصف زرداری محسن نقوی کو بہترین انتخاب قرار دیتے ہوئے کہا محسن نقوی سیلف میڈانسان ہیں اور ان کے تعلقات تمام سیاسی جماعتوں سے ہیں۔

تفصیلات کے مطابق پیپلز پارٹی کے شریک چیئرمین اور سابق صدر آصف زرداری نے محسن نقوی کے پنجاب کا نگراں وزیراعلیٰ بننے کاخیر مقدم کیا۔

آصف زرداری نے کہا کہ الیکشن کمیشن کوبھیجےگئے4ناموں میں سےمحسن نقوی بہترین انتخاب ہیں ، محسن نقوی سیلف میڈانسان ہیں، ان کے تعلقات تمام سیاسی جماعتوں سے ہیں۔

سابق صدرکا کہنا تھا کہ نگراں وزیراعلیٰ نے کبھی الیکشن لڑا نہ کسی سیاسی سرگرمی کا حصہ بنے۔

دوسری جانب وزیربلدیات سندھ ناصرشاہ نے محسن نقوی کے نگراں وزیراعلیٰ پنجاب بننے پر بیان میں کہا کہ امیدہےمحسن نقوی کےدورمیں پنجاب میں سیاسی ماحول بہتر ہوجائے گا۔

ناصرشاہ کا کہنا تھا کہ محسن نقوی کےپنجاب کےنگراں وزیراعلیٰ بننےپرصحافی برادری کومبارکباد دیتا ہوں ، امیدہےمحسن نقوی اچھےطریقےسےمنصفانہ اورشفاف الیکشن کرائیں گے۔

صوبائی وزیر نے مزید کہا کہ الیکشن کمیشن کامحسن نقوی کوپنجاب کانگراں وزیراعلیٰ بنانہ قبل تحسین ہے۔