نئی دہلی(انٹرنیشنل ڈیسک) بھارتی ریاست اڈیشہ کے وزیر صحت “نابا کشور داس کو آج اتوار کو دوپہر ایک بجے کے قریب تقریب میں شرکت کے لیے پہنچے بھارتی وزیر کو سیکیورٹی پر مامور اہلکار نے گولیاں مار دیں۔

انڈین خبر رساں ادارے “ہندوستان ٹائمز”کے مطابق جھارسوگوڈا ضلع کے برجراج نگر کے قریب گاندھی چوک کے قریب وزیر صحت کو ایک پروگرام میں شرکت کے لیے پہنچنے پر گولی مار دی گئیں ، پولیس افسر نے 2گولیاں چلائیں، جس سے وزیر شدید زخمی ہو گئے، جنہیں ہسپتال لے جایا گیا،عینی شاہدین نے بتایا کہ بعد میں اسے ہوائی جہاز سے بھونیشور لے جایا گیا۔

“اسسٹنٹ سب انسپکٹر آف پولیس (اے ایس آئی) گوپال داس نے وزیر پر گولی چلائی۔ وزیر زخمی ہے اور اسے اسپتال لے جایا گیا ہے،” برجراج نگر کے سب ڈویژنل پولیس افسر گپتیشور بھوئی نے نامہ نگاروں کو بتایا۔ پولیس نے بتایا کہ گوپال داس کو مقامی لوگوں نے پکڑ لیا، اور اسے حراست میں لے لیا گیا ہے۔

عینی شاہدین کا دعویٰ ہے کہ جب وہ اپنی گاڑی سے باہر نکلا تو اسے گولی مار دی گئی ، حملے کے پیچھے محرکات ابھی تک واضح نہیں ہیں۔

جائے وقوع سے ملنے والی ویڈیوز میں مسٹر داس کو سینے سے خون بہہ رہا ہے جس میں لوگ زخمی وزیر کو اٹھانے کی کوشش کر رہے ہیں، جو کہ بے ہوش دکھائی دے رہے تھے اور اسے گاڑی کی اگلی سیٹ پر بٹھانے کی کوشش کر رہے تھے۔

عوامی شکایات کے دفتر کے افتتاح میں، نابا داس مہمان خصوصی تھے، جب وہ پہنچے تو ایک ہجوم اس کے استقبال کے لیے جمع ہوگیا۔ اچانک گولی چلنے کی آواز آئی۔ ایک عینی شاہد نے بتایا کہ ہم نے ایک پولیس اہلکار کو قریب سے گولی چلانے کے بعد بھاگتے ہوئے دیکھا۔