اسلام آباد(مانیٹرنگ ڈیسک) پاکستان کے معروف موسیقار و گلوکارروحیل حیات نے سابق پی ٹی آئی رہنما عامر لیاقت کے پارٹی چھوڑنے کے فیصلے کو حکومت کی فتح قرار دیدیا ۔
تفصیلات کے مطابق پی ٹی آئی کے منحرف رکن عامر لیاقت کی جانب سے پارٹی چھوڑنے پر روحیل حیات نے دلچسپ ردعمل کا اظہار کیا ، گلوکارروحیل حیات نےاپنی ٹوئٹر پوسٹ میں کہا کہ
عامر لیاقت حسین کا پاکستان تحریک انصاف کو خیر باد کہنا حکومت کی اصل کامیابی ہے، گویا انہیں ابھی تک اس پارٹی میں خوش آمدید کہا جارہا تھا۔
انہوں نے صورتحال پر طنزیہ کہا کہ کیا کامیڈی شو چل رہا ہے۔
Now the real achievement of the day for PTI. Amir Liaquat’s left. As if he was still welcome in that party 😂
What a comedy show playing out.
— Rohail Hyatt 🇵🇰 (@rohailhyatt) April 3, 2022
واضح رہے کہ گزشتہ دنوں قومی اسمبلی میں اپوزیشن کی جانب سے عمران خان کے خلاف جمع کرائی جانے والی تحریک عدم اعتماد کو مسترد کردیا گیا جس کے بعد پاکستان تحریک انصاف کے رکن قومی اسمبلی عامرلیاقت نے پارٹی چھوڑنے کا اعلان کیا تھا۔
ٹوئٹر پر جاری بیان میں عامر لیاقت حسین نے کہا کہ ڈراما ختم ہونے کے بعد کہنا چاہتا ہوں کہ وزیراعظم نے جو کچھ کیا، ثابت ہوگیاکہ اپوزیشن جو کچھ کررہی تھی درست کررہی تھی۔انہوں نے کہا کہ میں تحریک انصاف چھوڑنے کا اعلان کرتا ہوں،آئین سے کس نے انحراف کیا اور منحرف کون ہے؟ فیصلہ عدالت کرے گی۔
ڈراما ختم ہونے کے بعد کہنا چاہتا ہوں کہ وزیراعظم نے جو کچھ کیا ثابت ہوگیاکہ اپوزیشن جو کچھ کررہی تھی درست کررہی تھی،میں تحریک انصاف چھوڑنے کا اعلان کرتا ہوں،آئین سے کس نے انحراف کیا اور منحرف کون ہے؟ فیصلہ عدالت کرے گی لیکن افسوس کہ جنرل قمرباجوہ کو ہٹانے کے لیے یہ کھیل کھیلا گیا
— Aamir Liaquat Husain (@AamirLiaquat) April 3, 2022
واضح رہے کہ روحیل حیات پاکستان میوزک انڈسٹری کا ایک بہت بڑا نام ہے جنہوں نے پاکستان میوزک انڈسٹری میں نئے رجحانات ، پاپ میوزک ، میوزک فیوژن اور پاکستان کے معروف میوزک پروگرام کوک اسٹوڈیو کے ذریعے پوری دنیا کے لوگوں میں مقبولیت حاصل کی۔روحیل حیات نے سال 2008 میں کوک اسٹوڈیو متعارف کیا تھا، بعدازاں 6 سیزنز کے بعد انہوں نے 2013 میں کوک اسٹوڈیو سے علیحدگی کا اعلان کیا تھا۔
روحیل حیات کی 2019 میں کوک اسٹوڈیو کے 12ویں سیزن میں واپسی ہوئی اور پھر سیزن 2020 بھی انہوں نے پروڈیوس کیا۔ اس سے قبل روحیل حیات پاکستان کے مشہور بینڈ وائٹل سائنز کے بانی اراکین میں شامل تھے۔
