کراچی (نیوز ڈیسک) معروف اداکارہ سارہ خان کی بیٹی عالیانہ فلک کا سب سے پہلے اداکار احد رضا میر کی جانب سے انٹرویو لیا گیا ہے۔سارہ خان کی جانب سے حال ہی میں دیئے گئے ایک انٹرویو میں انکشاف کیا گیا ہے کہ بطور سیلیبرٹی کی بیٹی، عالیانہ خان کا پہلا انٹرویو ہو بھی چکا ہے۔

سارہ خان کا بتانا تھا کہ ایک بار احد رضا میر نے ان سے کہا کہ وہ میزبان بن کر سب سے پہلے میری بیٹی عالیانہ کا انٹرویو کرنا چاہیں گے۔سارہ خان نے بتایا کہ انہوں نے ویڈیو کال کے ذریعے عالیانہ اور احد رضا میر کی بات بھی کروائی تھی، بطور میزبان احد رضا میر نے عالیانہ فلک سے انٹرویو کے دوران پوچھا کہ ماما ان کا کیسا خیال رکھتی ہیں؟

سارہ خان کا کہنا تھا کہ اداکارہ رمشا خان بھی ان کی بیٹی عالیانہ سے بے حد محبت کرتی ہیں، وہ عالیانہ سے ویڈیو کال پر بات کرنا یا ڈرامہ سیٹ پر اس کے ساتھ کھیلنا بہت پسند کرتی ہیں۔