بانی: عبداللہ بٹ      ایڈیٹرانچیف : عاقل جمال بٹ

بانی: عبداللہ بٹ

ایڈیٹرانچیف : عاقل جمال بٹ

پٹرول 21 ، ڈیزل 51 روپے لیٹرمہنگاکرنے کی سمری ارسال

اسلام آباد(مانیٹرنگ ڈیسک )پٹرولیم مصنوعات کی قیمتوں میں اضافے کا امکان ہے، پیٹرول کی قیمت میں 21 اور ڈیزل کی قیمت میں 51 روپے اضافے کی سمری ارسال کردی گئی ۔ تفصیلات کے مطابق پیٹرولیم مصنوعات کی قیمتوں میں اضافے کی ورکنگ پیٹرولیم ڈویژن ارسال کردی گئی ہے، اوگرا نے پیٹرولیم لیوی اور جی ایس ٹی کی کم سے کم اور زیادہ زیادہ شرح کی بنیاد پر ورکنگ تیار کی ہے۔ٹیکسز کی موجودہ شرح کے مطابق ہائی اسپیڈ ڈیزل کی قیمت میں 51 روپے 32 پیسے اضافے کی تجویز دی گئی ہے جبکہ پیٹرولیم لیوی ، جی ایس ٹی کی موجودہ شرح کے مطابق پیٹرول کی قیمت میں 21 روپے 30 پیسے فی لیٹر کی سفارش کی گئی ہے۔ مٹی کے تیل کی قیمت میں 36 روپے 5 پیسے فی لیٹر اضافے کی تجویز دی گئی ہے جبکہ لائٹ ڈیزل آئل کی قیمت میں 38 روپے 89 پیسے فی لیٹر اضافے کی سفارش کی گئی ہے۔ دوسری جانب پیٹرول اور ڈیزل پر زیادہ سے زیادہ لیوی 30 روپے اور جی ایس ٹی 17 فیصد کرکے بھی ورکنگ تیارکی گئی ہے۔ ہائی اسپیڈ ڈیزل کی قیمت میں 119 روپے فی لیٹر اضافے کی تجویز دی گئی ہے جبکہ پیٹرول کی قیمت میں 83 روپے 50 روپے فی لیٹر اضافے کی تجویز دی گئی ہے۔ مٹی کے تیل کی قیمت میں 77 روپے 56 پیسے اضافہ کرنے کی تجویز دی گئی ہے جبکہ دوسری ورکنگ کے تحت لائٹ ڈیزل 77 روپے 31 پیسے فی لیٹر مہنگا کرنے کی تجویز دی گئی ہے۔اضافے کی حتمی منظوری وزیر اعظم شہباز شریف دیں گے ، نئی قیمتوں کا اطلاق 16 اپریل سے ہوگا۔