لاہور(نیوز ڈیسک )سابق وزیراعظم عمران خان کے وزیراعظم پاکستان نہ رہنے کے بعد شوبز انڈسٹری سراپا احتجاج ہے تو دوسری جانب ان کی سابقہ اہلیہ ریحام خان عمران خان مخالف بیانات میں کسی طور پیچھے نہیں ۔
حال ہی میں ریحام خان نے ایک ٹوئٹ کی جس میں انہوں نے عمران خان کو سپورٹ کرنے والی فنکار برادری پر تنقید کی۔
جو ممی ڈیڈی اداکار تحریک انصاف کا اقتدار جانے پر احتجاج کر رہے ہیں کاش کشمیر پر بھی اتنا ہی احتجاج کیا ہوتا تو کیا ہی بات تھی ۔
— Reham Khan (@RehamKhan1) April 17, 2022
ریحام خان نے اپنی ٹوئٹ میں لکھا تھا کہ ’جو ممی ڈیڈی اداکار تحریک انصاف کا اقتدار جانے پر احتجاج کر رہے ہیں، کاش کشمیر پر بھی اتنا ہی احتجاج کیا ہوتا تو کیا ہی بات تھی‘۔
ریحام خان کی ٹوئٹ پر اداکارہ مشی خان نے انہیں سخت جواب دیتے ہوئے ایک ویڈیو شیئر کی۔
ویڈیو میں مشی خان کا کہنا تھا کہ اگر فنکاروں نے کشمیر کے لیے احتجاج نہیں کیا تو آپ کرلیتی؟ آپ کو کس بات کا انتظار تھا۔
We have a right to choose whoever we want to so please @RehamKhan1 don’t talk like that for the actor fraternity.
We do care about our Kashmiri brethren So rather giving us a lecture check yourself 1st
FYI we will always support @ImranKhanPTI #امپورٹڈ_حکومت_نامنطور pic.twitter.com/D0RJ2HiDJz— Mishi khan (@mishilicious) April 18, 2022
مشی خان کا کہنا تھا کہ آپ ہر دفعہ ہمیں ڈکٹیشن دیتی رہتی ہیں لیکن جب کشمیر کا مسئلہ اٹھا تو اس وقت آپ کہیں بی بی سی پر رپورٹنگ تو کہیں مغربی طرز زندگی جینے میں بے حد مصروف تھیں۔
مشی نے ریحام خان کے دوپٹے پر بھی تنقید کرتے ہوئے کہا کہ ’اب آپ نے سر پر دوپٹہ لے لیا تو آپ کو کشمیر یاد آگیا لیکن ہمیں کشمیر ہمیشہ یاد ہے اور ہم کشمیر کے لیے آواز بھی اٹھاتے ہیں‘۔
ادکارہ نے ویڈیو پیغام میں ریحام خان کو باآور کروایا کہ ’ہمیں پورا حق ہے کہ ہم جسے مرضی چاہیں اسے سپورٹ کریں، آپ جس طرح بغیر اجازت موبائل فون لے کر اسمبلی پہنچ کر الٹی سیدھی ویڈیوز بناتی ہیں وہ بنائیں اورہمیں اپنا کام کرنے دیں ‘۔
مشی خان نے اپنی ٹوئٹ میں ریحام خان کیلئے مزید لکھا کہ ہمیں لیکچر دینے کے بجائے پہلے خود کو لیکچر دیں، ہم ہمیشہ عمران خان کو ہی سپورٹ کریں گے۔
