اسلام آباد(مانیٹرنگ ڈیسک) پاکستان کی معروف اداکارہ و میزبان عفت عمر نے پاکستان کے سابق وزیر اعظم عمران خان پر طنز کے تیر برسائے ہیں۔
جہاں شوبز سے منسلک دیگر اداکار عمران خان کی حمایت میں سامنے آئے وہیں عفت عمر نے پی ٹی آئی چیئرمین کے یوٹرن لینے کی عادت کی نشاندہی کی ہے۔
ٹوئٹر پر جاری اپنے بیان میں عفت عمر نے فروری، مارچ اور اپریل والے عمران خان میں فرق نمایاں کیا ہے۔
انہوں نے کہا کہ فروری ، مارچ والے عمران خان کہتے تھے کہ میں دعائیں مانگ رہا تھا کہ یہ میرے خلاف تحریک عدم اعتماد لائیں، میں ان تینوں کی وکٹ ایک بال سے اڑاؤں گا جب کہ اپریل والے عمران کہہ رہے ہیں کہ مجھے جنوری سے پتا تھا کہ امریکا میرے خلاف سازش کر رہا ہے اور اس میں ملک کے اندر سے لوگ اس کے ساتھ مل گئے۔
فروری ، مارچ والا عمران خان
میں دعائیں مانگ رہا تھا کہ یہ میرے خلاف تحریک عدم اعتماد لائیں ، میں ان تینوں کی وکٹ ایک بال سے اڑاؤں گا ،اپریل والا عمران خان
مجھے جنوری سے پتا تھا کہ امریکہ میرے خلاف سازش کر رہا ہے اور اس میں ملک کے اندر سے لوگ اس کے ساتھ مل گئے— Iffat Omar Official (@OmarIffat) April 23, 2022
ایک اور ٹوئٹ میں عفت عمر نے لکھا کہ عمران خان کے خلاف کوئی عورت بولے تو بدکردار، مرد بولے تو غدار۔
عمران خان کے خلاف کوئی عورت بولے تو بدکردار.
مرد بولے تو غدار.
صحافی بولے تو لفافہ.
ادارہ بولے تو کرپٹ.
عمران خان کی چوری پکڑی جائے تو اندرونی سازش.
کرسی چھن جائے تو بیرونی سازش.— Iffat Omar Official (@OmarIffat) April 23, 2022
اداکارہ نے لکھا کہ ان کے خلاف کوئی صحافی بولے تو لفافہ،ادارہ بولے تو کرپٹ،عمران خان کی چوری پکڑی جائے تو اندرونی سازش،کرسی چھن جائے تو بیرونی سازش۔
