بانی: عبداللہ بٹ      ایڈیٹرانچیف : عاقل جمال بٹ

بانی: عبداللہ بٹ

ایڈیٹرانچیف : عاقل جمال بٹ

ثمینہ پیرزادہ کا جامعہ کراچی میں دھماکے پر اظہارِ افسوس

لاہور(نیوز ڈیسک)پاکستان کی سینئر اداکارہ ثمینہ پیرزادہ نے گزشتہ روز جامعہ کراچی میں ہونے والے خودکش حملے پر افسوس کا اظہار کیا ہے۔

اداکارہ نے اپنے ٹوئٹ میں لکھا کہ یا اللہ رحم بہت دکھ ہے اور آنے والے وقت کا خوف بھی۔

اُنہوں نے پاکستان کی حفاظت کے لیے دعا کرتے ہوئے لکھا کہ خدارا ہمارے ملک پہ رحم کردیں، ہم نے پہلے ہی بہت تکلیفیں اٹھائی ہیں۔

ثمینہ پیرزادہ نے لکھا کہ اپنے چینی مہمانان سے معافی کہ ہم آپکا خیال نہ رکھ سکے۔

ایک اور ٹوئٹ میں اداکارہ نے لکھا کہ برسوں لگتے ہیں ایک استاد بنانے میں ظالمو،یہ کیسےعلم دشمن لوگ ہیں، ہمارے اللہ نے حکم دیا اقراء یعنی (پڑھ)، میری تمام دعائیں دُکھی خاندانوں کے ساتھ ہیں۔

 

یاد رہے کہ جامعہ کراچی میں گزشتہ روز ہونے والے خودکش حملے میں 3 چینی شہری ہلاک ہو گئے۔

یونیورسٹی میں کنفیوشس انسٹیٹیوٹ کے باہر خاتون نے وین کے قریب پہنچنے پر خود کو دھماکے سے اڑا لیا، دھماکے کے نتیجے میں ڈرائیور بھی جاں بحق ہو گیا۔

بم ڈسپوزل اسکواڈ کے مطابق دھماکے میں 3 سے 4 کلو بارودی مواد استعمال کیا گیا تھا۔