راولپنڈی(مانیٹرنگ ڈیسک)ڈیوٹی مجسٹریٹ نے اثاثہ جات کیس میں گرفتار سابق وزیراعلیٰ پنجاب چودھری پرویز الٰہی کے راہداری ریمانڈ پر محفوظ  فیصلہ سنا دیا۔

نجی ٹی وی کے مطابق نیب لاہور کی ٹیم کی جانب سے چودھری پرویز الٰہی کو جوڈیشل کمپلیکس راولپنڈی میں پیش کیا گیا تھا،چودھری پرویز الٰہی کو ڈیو ٹی مجسٹریٹ خالد حیات کی عدالت میں پیش کیا گیاتھا،نیب نے عدالت سے چودھری پرویز الٰہی کے راہداری ریمانڈ کی استدعا کی تھی،

ڈیوٹی مجسٹریٹ خالد حیات نے محفوظ  فیصلہ سناتے ہوئے چودھری پرویز الٰہی کا ایک روزہ راہداری ریمانڈ منظور کرلیا،عدالت نے چودھری پرویز الٰہی کو کل متعلقہ عدالت میں پیش کرنے کا حکم دیدیا،نیب ٹیم پرویز الٰہی کو لیکر لاہور کیلئے روانہ ہو گئی۔

قومی احتساب بیورو(نیب )کی جانب سے سے چودھری پرویز الٰہی پر 23ارب کے ٹھیکوں میں کرپشن کا الزام عائد کیا گیا ہے،گرفتاری سیکرٹری سہیل اصغر اعوان اور دیگر 2افسروں کے شواہد پر عمل میں لائی گئی ہے۔