اسلام آباد(مانیٹرنگ ڈیسک) بھارت کی معروف اداکارہ اور کرینہ کپور کی بڑی بہن کرشمہ کپور کا دوسری شادی سے متعلق بیان سامنے آگیا۔
اداکارہ کی جانب سے انسٹاگرام پر سوال و جواب کا ایک سیشن رکھا گیا جہاں انہوں نے بہت سے سوالوں کے دلچسپ جوابات دیے۔
اس دوران ایک پرستار نے پوچھا کہ کیا وہ دوبارہ شادی کریں گی؟
جواب میں کرشمہ کپور نے اپنے سوشل میڈیا پر ایک پریشان اور کنفیوژ شخص کی اینیمیٹڈ امیج (GIF) شیئر کی اور لکھا صورتحال پر منحصر ہے۔
واضح رہے کہ کرشمہ ہر موضوع پر بات کرلیتی ہیں لیکن اپنے ماضی بالخصوص اپنی ازدواجی زندگی پر مبنی ماضی پر شاذ ونادر ہی گفتگو کرتی ہیں جسکی وجہ ان کی اپنے سابق شوہر سنجے کپور سے ہونے والی طلاق ہے۔
