بانی: عبداللہ بٹ      ایڈیٹرانچیف : عاقل جمال بٹ

بانی: عبداللہ بٹ

ایڈیٹرانچیف : عاقل جمال بٹ

اریبہ حبیب کا شوہر کے ہمراہ بیرونِ ملک منتقل ہونے کا فیصلہ

کراچی (نیوز ڈیسک) حال ہی میں رشتہ ازدواج میں منسلک ہونے والی پاکستانی اداکارہ اریبہ حبیب نے جلد ہی شوہر کے ہمراہ بیرونِ ملک منتقل ہونے کا فیصلہ کر لیا ہے ۔ ایک ٹی وی شو میں گفتگو کرتے ہوئے اریبہ حبیب نے تصدیق کی کہ وہ جلد شوہر کے ہمراہ بیرون ملک منتقل ہوجائیں گی۔ ایک سوال کے جواب میں اریبہ حبیب نے کہا کہ شادی کے بعد ان کی زندگی میں کوئی خاص تبدیلی نہیں آئی، البتہ انہیں والدہ یاد آتی ہیں اور ابھی تک والدہ انہیں ہر رات کو فون کرکے ان کا حال پوچھتی ہیں۔اداکارہ نے بتایا کہ ان کے مطابق ابھی تک وہ شادی کے بعد اسی شہر میں ہی رہ رہی ہیں، جہاں وہ پیدا ہوئیں اور پلی بڑھیں مگر جلد ہی وہ بیرون ملک چلی جائیں گی، جس کے بعد انہیں معلوم ہوگا کہ شادی کے بعد کی زندگی کیسی ہوتی ہے۔اریبہ حبیب نے بتایا کہ وہ جلد جرمنی منتقل ہوجائیں گی، کیوں کہ ان کے شوہر وہیں رہتے اور کاروبار کرتے ہیں۔ایک اور سوال کے جواب میں اریبہ حبیب نے واضح کیا کہ وہ جرمنی منتقل ہونے کے بعد شوبز سے کنارہ کشی نہیں کریں گی بلکہ سال کے اختتام پر پھر واپس پاکستان آکر اپنی مصروفیات میں مصروف ہوجائیں گی۔