گزشتہ ہفتے دفاعی چیمپیئن انگلینڈ کے خلاف افغانستان کی تاریخی فتح کے بعد نیدرلینڈز نے بھی منگل کو دھرم شالا میں جاری ورلڈ کپ میں جنوبی افریقہ کو 43 اوورز کے مقابلے میں 38 رنز سے شکست دے دی۔
نیدرلینڈز کے کپتان اسکاٹ ایڈورڈز نے ناقابلِ شکست 78 رنز کی اننگز کھیل کرجنوبی افریقا کو 8 وکٹوں کے نقصان پر 245 رنز تک پہنچا دیا۔ میچ کے دوران ایک موقع پرجنوبی افریقہ کی اننگز کے دوران نیدر لینڈ کے کھلاڑیوں کو کاغذ کے ایک ٹکڑے سے کچھ ہدایات پڑھتے ہوئے دیکھا گیا۔ اس لمحے کی تصویرسوشل میڈیا پروائرل ہے۔
بھارت کے سابق آل راؤنڈرعرفان پٹھان نے تاریخی فتح پر مبارکباد دیتے ہوئے فکاہیہ اندازمیں ڈچ کھلاڑیوں سے کاغذ کے اس ٹکڑے پر لکھی گئی ہدایات کے بارے میں پوچھا۔
عرفان نے ایکس پوسٹ میں لکھا، ’نیدرلینڈز آپ کی تاریخی جیت پر بہت بہت مبارکباد۔ آپ پورے کھیل میں نظم و ضبط میں دکھائی دیے، خصوصاً بولنگ میں۔ وہ چٹھی میں کیا تھا؟‘۔
Netherlands many many congratulations on your historic win. You were discipline thru out the game. Specially in bowling. Wo chitthi mein kya hai??? 👏 #NEDvSA
— Irfan Pathan (@IrfanPathan) October 17, 2023
لیجنڈری بھارتی بیٹسمین سچن ٹنڈولکر نے بھی نیدر لینڈ کی جانب سے ورلڈ کپ کے اس اپ سیٹ پر ان کی تعریف کی۔
ایکس پوسٹ پر سچن نے لکھا، ’یہ ورلڈ کپ دلچسپ نتائج دے رہا ہے! نیدرلینڈز کے کپتان اسکاٹ ایڈورڈز کو ایک موقع پر 7 وکٹوں کے نقصان پر 140 رنز بنانے کے بعد جارحانہ اننگز کھیلتے ہوئے دیکھ کر خوشی ہوئی۔ جس چیز نے مجھے میدان میں ان کے بارے میں سب سے زیادہ خوش کیا وہ یہ تھا کہ انہوں نے جنوبی افریقہ کے بلے بازوں کو کس طرح دباؤ میں رکھا‘۔
This World Cup is throwing up interesting results!
Was nice to see the Netherlands Captain Scott Edwards lead from the front with a fighting knock after they were 140/7 at one stage.What pleased me the most about them in the field was how they put the SA batters under pressure… pic.twitter.com/5YeQCyvJqo
— Sachin Tendulkar (@sachin_rt) October 17, 2023
واضح رہے کہ منگل کو نیدرلینڈ کی فتح پہلی بارنہیں ہے جب انہوں نے کسی انٹرنیشنل ایونٹ میں جنوبی افریقہ کو حیران کیا ہو، اس سے قبل گزشتہ سال ٹی 20 ورلڈ کپ میں بھی وہ پروٹیز کو شکست دے چکے ہیں۔
