بھارتی اداکارہ کنگنا رناوت کی ایریل ایکشن فلم ’تیجاس‘ اداکارہ کیلئے خوش قسمت ثابت نہ ہوسکی، فلم ریلیز کے بعد ایک کروڑ بھی نہ کما سکی۔
بھارتی اداکارہ کی اس فلم نے باکس آفس پر مایوس کن آغازکیا، کروڑوں روپے خرچ کرکر بنائی جانے والی یہ فلم 50 لاکھ ہی کما سکی۔
پاکستان مخالف اس فلم میں کنگنا رناوت ایئر فورس کے افسر تیجاس گل کا کردار ادا کر رہی ہیں، فلم کی ریلیز سے قبل بھارتی اداکارہ نے سماجی رابطے کی ویب سائٹ ایکس پر اپنے مداحوں سے فلم دیکھنے کی درخواست کی تھی۔
ایکس پر انہوں نے ایک ویڈیو شیئر کرتے ہوئے لکھا کہ ’کووڈ سے پہلے بھی تھیٹر میں آنے والوں کی تعداد میں تیزی سے کمی آئی تھی۔ بہت سے تھیٹر بند ہو رہے ہیں اور مفت ٹکٹوں کے بعد بھی لوگوں کی تعداد میں زبردست کمی جاری ہے۔ لوگوں سے درخواست ہے کہ وہ سینما گھروں میں فلمیں دیکھیں اور اہلِ خانہ اور دوستوں کے ساتھ لطف اندوز ہوں ورنہ وہ (تھیٹر) زندہ نہیں رہ سکیں گے۔ شکریہ‘۔
Even before covid theatrical footfalls were dipping drastically post covid it has become seriously rapid.
Many theatres are shutting down and even after free tickets and many reasonable offers drastic footfall decline is continuing.
Requesting people to watch films in theatres… pic.twitter.com/Mty9BTcpkD— Kangana Ranaut (Modi Ka Parivar) (@KanganaTeam) October 28, 2023
تیجاس کی ناکامی کے بارے میں کہا جارہا ہے کہ اس فلم میں بی جے پی کی واضح حمایت کی گئی ہے، فلم میں پاکستان مخالف بیان بھی صارفین کو بلکل پسند نہیں آیا تھا۔
فلم کی ریلیز کے بعد صارفین کی جانب سے اداکارہ اور فلم کو شدید تنقید کا نشانہ بھی بنایا گیا تھا۔
سرویش میوارا کی ہدایت میں بننے والی اس فلم کو رونی سکرو والا نے پروڈیوس کیا ہے۔
کنگنا رناوت کے علاوہ اس میں انشول چوہان، ورون مترا، آشیش ودیارتھی، وشک نائر، کشیپ شانگری، سنیت ٹنڈن، ریو کپاڈیا، موہن آگاشے اور مشتاق کاک بھی شامل ہیں۔
