کراچی (نیوز ڈیسک) اداکارہ ماہرہ خان کی جانب سے اپنی محبت و قریبی دوست سلیم کریم کے ہمراہ پہلی بار کسی دعوت میں شرکت کی گئی ہے جس کی تصویریں سوشل میڈیا پر وائرل ہیں۔اداکارہ ماہرہ خان کی سلیم کریم کے ہمراہ سوشل میڈیا پر ایک تصویر خوب وائرل ہو رہی ہیں، عید الفطر کے موقع پر ایک عشائیے سے لی گئی اس تصویر میں دیگر فنکاروں کو بھی دیکھا جا سکتا ہے۔ماہر خان نے سلیم کریم کے ہمراہ یہ کسی بھی تقریب میں پہلی بار شرکت کی ہے جسے دیکھ کر مداحوں کا کہنا ہے کہ ماہرہ خان جلد سلیم کریم سے شادی کرنے والی ہیں جبکہ متعدد کا اندازہ ہے کہ ماہرہ خان سلیم کریم سے شادی کر چکی ہیں۔واضح رہے کہ ماہرہ خان نے 2020 میں پھیلنے والی افواہوں پر ردِ عمل دیتے ہوئے سلیم کریم سے اپنی محبت کی وضاحت اور منگنی کی تردید کی تھی۔بعد ازاں 2021 میں ماہرہ خان کی جانب سے اپنی ایک سوشل میڈیا پوسٹ میں سلیم کریم کو ٹیگ کرتے ہوئے ان سے محبت کا اظہار کیا گیا تھا۔