کراچی (مانیٹرنگ ڈیسک ) ٹی وی میزبان اور سابق رکن قومی اسمبلی عامر لیاقت حسین کی تیسری اہلیہ دانیہ شاہ نے چند روز قبل اپنے ویڈیو بیان میں ان پر سنگین الزامات عائد کرتے ہوئے کہا تھا کہ انہوں نے تنسیخ نکاح کے لیے عدالت سے رجوع کرلیا ہے۔اپنے ویڈیو بیان میں دانیہ شاہ نے عامر لیاقت پر سنگین الزمات عائد کرتے ہوئے کہا تھا کہ وہ انہیں زبردستی نازیبا ویڈیوز بنوانے پر مجبور کرتے تھے، جب کہ آئس اور شراب کے نشے میں دھت ہوکر ان پر تشدد بھی کرتے تھے۔دانیہ شاہ کے ان الزامات کے جواب نے مبینہ طور پر دانیہ شاہ کی نازیبا آڈیوزلیکس کی تھیں۔ دونوں فریقین کی جانب سے ایک دوسرے پر الزامات کا سلسلہ جاری ہے۔آج عامر لیاقت حسین نے سوشل میڈیا پر دانیہ کی ڈھیر ساری تصاویر شیئر کرتے ہوئے لکھا ہے کہ ’چار ماہ کے نکاح اور صرف پندرہ دن کے ساتھ پرآئس اور شراب کے عادی ایک متشدد اور متشکک نفس کے مقید شخص کے ساتھ تکلیف دہ زندگی اور قیدو بند کی صعوبتوں کو جھیلنے والی مظلومہ و فاقہ زدہ دانیہ ملک کی تصاویر جن میں وہ بلک بلک کر رحم کی التجا کررہی ہیں اورظالم کہہ رہا ہے “جیو”

واضح رہے کہ عامر لیاقت حسین نے رواں سال فروری میں لودھراں سے تعلق رکھنے والی 18 سالہ ٹک ٹاکر سیدہ دانیہ شاہ سے تیسری شادی کا اعلان کیا تھا۔چند روز قبل سیدہ دانیہ شاہ نےعدالت میں تنسیخ نکاح کا دعویٰ دائر کرتے ہوئے عامر لیاقت کے خلاف 11 کروڑ 51 لاکھ، 50ہزار روپےحق مہر اور ایک لاکھ روپے ماہانہ بطور نان نفقہ دینے کا بھی مطالبہ کیا ہے۔