آسٹریلوی بلے باز عثمان خواجہ کو آؤٹ کرنے کے بعد ویسٹ انڈین کے فاسٹ باؤلر کیون سنکلیئر کے منفرد جشن نے کرکٹ شائقین کے دل جیت لیے۔
برسبین میں آسٹریلیا اور ویسٹ انڈین کے درمیان دوسرا ٹیسٹ میچ کھیلا جارہا ہے، ڈیبیو ٹیسٹ کھیلنے والے ویسٹ انڈین کے فاسٹ باؤلر کیون سنکلیئر نے مخالف ٹیم کی پہلی اننگز میں بلے باز عثمان خواجہ کو کیچ آؤٹ کردیا۔
ڈیبیو ٹیسٹ میں پہلی وکٹ لینے کی خوشی ویسٹ انڈین کے باؤلر نے منفرد انداز میں منائی، اور بھاگتے ہوئے اپنے روایتی طریقے سے ہوا میں قلابازیاں لگا کر جشن منایا۔
It's your first wicket in Test cricket – celebrate with a cartwheel back-flip! #MilestoneMoment | @nrmainsurance | #AUSvWI pic.twitter.com/hIZofxIUmD
— cricket.com.au (@cricketcomau) January 26, 2024
آؤٹ کرنے کے بعد جشن منانے کی ویڈیو سوشل میڈیا پر بھی وائرل ہورہی ہے جہاں شائقین کیون کو داد دیے بغیر نہ رہ سکے، اسٹیڈیم بھی تالیوں کی آواز سے گونج اٹھا۔
آسٹریلوی اوپنر عثمان خواجہ اس وقت 75 رنز کے ساتھ وکٹ پر موجود تھے لیکن آف اسپنر کیون سنکلیئر کی گیند پر آسٹریلوی کھلاڑی وکٹ کے پیچھے کیچ تھما بیٹھے۔
سیریز کے دوسرے ٹیسٹ میچ میں آسٹریلیا ویسٹ انڈین کے پہلی اننگز کے اسکور 311 رنز کے جواب میں آسٹریلیا نے اپنی پہلی اننگز 289 رنز 9 وکٹوں پر ڈیکلیئر کر دی۔
دونوں ٹیموں کے درمیان دوسری اننگز جاری ہیں، ویسٹ انڈین کو آسٹریلیا کے خلاف 35 رنزکی مجموعی برتری حاصل ہے۔
First Test wicket celebration done right! 😮💨#AUSvWI #WTC25 pic.twitter.com/T0Q7rUMIhC
— ICC (@ICC) January 26, 2024
