کراچی میں واقع پاکستان اسٹاک ایکسچینج کی عمارت میں آگ لگ گئی۔

فائر بریگیڈ حکام کے مطابق کراچی کی مصروف شاہراہ آئی آئی چندریگر روڈ پر واقع اسٹاک ایکسچینج کی چوتھی منزل پر آگ لگی ہے۔

فائر بریگیڈ حکام نے بتایا ہے کہ 5 فائر ٹینڈرز، واٹر باؤزر اور اسنارکل آگ بجھانے میں مصروف ہیں۔

فائر بریگیڈ حکام کا کہنا ہے کہ آگ کی شدت اب کم ہے، جلد اس پر مکمل قابو پا لیا جائے گا۔

ایدھی اور دیگر رضا کار اداروں کی جانب سے بھی امدادی سرگرمیاں جاری ہیں۔

فوری طور پر آگ لگنے کی وجہ اور اس سے ہوئے نقصان کی تفصیلات سامنے نہیں آئی ہیں۔

واضح رہے کہ ہفتہ وار دو روزہ تعطیل کے بعد آج پاکستان اسٹاک ایکسچینج میں کاروبار کا پہلا روز ہے۔

پاکستان اسٹاک ایکسچینج میں کاروبار کا آغاز صبح ساڑھے 9 بجے ہوتا ہے۔