پاک بحریہ نے شمالی بحیرہ عرب میں کمبائنڈٹاسک فورس150کےساتھ کامیاب انسداد منشیات آپریشن کرتے ہوئے مشتبہ کشتی سے 1300 کلو حشیش برآمد کرلی۔
فوج کے شعبہ تعلقات عامہ (آئی ایس پی آر) کے مطابق پاک بحریہ نے کمبائنڈٹاسک فورس150کی قیادت کرتے ہوئے بحیرہ عرب میں کامیاب انسداد منشیات آپریشن انجام دیا ہے، مشترکہ آپریشن میں پاک بحریہ کے پی این ایس ذوالفقار اور پی ایم ایس ایس کولاچی نے حصہ لیا۔
مشترکہ آپریشن کے دوران پاک بحریہ کو امریکی بحریہ کے ایئرکرافٹ کیریئریوایس ایس ابراہم لنکن اور امریکی کوسٹ گارڈاور پاک بحریہ کے ہوائی جہازوں کا تعاون بھی حاصل رہا۔
انسدادمنشیات آپریشن میں مشتبہ کشتی سے 1.3ٹن ( 1300 کلو) حشیش ملی ہے جس کی عالمی مارکیٹ میں مالیت 2 کروڑ 60 لاکھ ڈالر ہے۔