اسلام آباد: پاکستان تحریک انصاف ( پی ٹی آئی) کے چیئرمین عمران خان سے پارٹی رہنماؤں کی اڈیالہ جیل میں ملاقات کی اندرونی کہانی سامنے آگئی۔
نجی ٹی وی کے مطانق عمران خان نے ملاقات کے لیے آئے پی ٹی آئی رہنماؤں کی سرزنش کردی۔
عمران خان کا پارٹی رہنماؤں سے کہنا تھا کہ آپ لوگوں کا مجھےکوئی فائدہ نہیں، جیل سے نکلنےکے لیے جو پلان میں نے دیا تھا اس پر کسی نےعمل نہیں کیا۔
بانی پی ٹی آئی کا کہنا تھا کہ میں نے احتجاج جاری رکھنے کا کہا تھا، آپ کے تمام احتجاج فلاپ ہوئے، آپ سےکہا تھا ایس سی او پر احتجاج کرنا ہے لیکن کسی نے عمل نہیں کیا، میرے دیےگئے منصوبے پر عمل کریں گے تو ہی باہر آسکوں گا۔
بانی چیئرمین پی ٹی آئی سے تحریک انصاف کے رہنماؤں کی ملاقات ادھوری رہی۔ واضح رہےکہ پی ٹی آئی کا وفد آئینی ترامیم پر بانی پی ٹی آئی سے مشاورت کے لیے اڈیالہ جیل گیا تھا۔