ریلوے اسٹیشنوں اورہوائی اڈوں پر جب کسی کو رخصت کیا جاتا ہے تو لوگ جذباتی ہو جاتے ہیں، ایسے مواقع پر لوگ دیر تک گلے ملتے رہتے ہیں،اس صورتحال کے تدارک کیلئےگلے ملنے کے لیے تین منٹ کی حد مقرر کردی گئی  اور لوگوں سے کہا گیا  وہ کار پارکنگ میں ایک دوسرے کو گلے لگالیا کریں۔
نیوزی لینڈ کے شہر ڈیونیڈن میں ایئر پورٹ کی انتظامیہ نے مسافروں کو الوداع کہنے کیلئے آنیوالوں کی جذباتیت سے پریشان ہوکر بورڈ لگادیئے کہ کوئی بھی کسی کو3 منٹ سے زیادہ گلے نہ لگائے اور بہتر یہ ہے کہ جذباتی لمحات کار پارکنگ میں گزارے جائیں کیونکہ ڈپارچر ایریا میں اس نوع کی صورتحال سے پروازوں میں تاخیر ہو جاتی ہے۔
ڈیونیڈن ایئر پورٹ انتظامیہ کا کہنا ہے کہ جذبات کو پکڑنے کی بجائے فلائٹ پکڑے پر توجہ دی جانی چاہیے۔ اس حکمنامے کے اجراء پر سوشل میڈیا کے بہت سے یوزرز نے شدید ردعمل کا اظہار کیا جبکہ کچھ لوگوں نے اسے سراہا ۔
ڈیونیڈن ایئر پورٹ کے سی ای او ڈینیل ڈی بونو نے نیوزی لینڈ کے آر این زیڈ ریڈیو سے انٹرویو میں کہا کہ ایئر پورٹس کے ڈیپارچر لاؤنج اور ریلوے پلیٹ فارم جذبات کا مرکز ہوتے ہیںعام طور پر20 سیکنڈ تک گلے ملنا بھی جذبات کے اظہار کیلئے کافی ہوتا ہے۔
انہوں نے کہاکہ یہ ”بیماری“ اُڑ کر لگتی ہے یعنی ایک شخص گلے ملتا ہے تو دوسروں کو بھی تحریک ملتی ہے اور پھر سلسلہ سا چل پڑتا ہے۔
ڈیونیڈن ایئر پورٹ کے سی ای او نے بتایا  ایئر پورٹ کے پارکنگ ایریا میں 15 منٹ کا وزٹ مفت ہے۔ انہوں نے بتایا پارکنگ ایریا میں سٹاف کو عجیب و غریب مناظر و چیزیں دیکھنے کو ملتی ہیں۔