بنگلورو(انٹرنیشنل ڈیسک)بھارتی شہر بنگلورو میں ایک زیر تعمیر عمارت گرنے کی ویڈیو دیکھ کر شعبہ تعمیرات سے تعلق رکھنے والے انجینئرز حیران رہے گے۔
بھارتی میڈیا کے مطابق شہر میں بارش جاری تھی کہ ایک ساتھ والی بلڈنگ میں نصب سی سی ٹی وی کمرے نے زیر تعمیر عمارت کے گرنے کے لمحات کو قید کرلیا۔ واقعہ میں پانچ افراد ہلاک ہوگئے جبکہ متعدد افراد ملبے تلے پھنسے ہونے کی اطلاعات ہیں۔
شعبہ تعمیرات سے تعلق رکھنے والے انجینئرز کے مطابق عمارت ایسے گری ہے جیسے کوئی کروٹ لے رہا ہو، اس میں کوئی شک نہیں کہ عمارت گرنے کی بنیادی وجہ ناقص خام مال ہے اور انجینئرز کی بے شمار غلطیوں کو بھی نظرانداز نہیں کیا جا سکتا۔
ایک صارف نے ایکس پر لکھا کہ ’عمارت کے پلرز کو دیکھ کر لگتا ہے کہ جیسے کسی چھوٹے درخت کے تنے ہوں‘۔
I was just watching those pillar foundations in basement that looks like thin tree sticks for the multistorey building. Damn!! How do Govt approve such structural plans ? Be careful where you are investing your money.
An under construction Appartment block collapsed due to… pic.twitter.com/5RGD7V8l7F
— dD@$h (@dashman207) October 22, 2024
حکام نے بتایا کہ یہ واقعہ شہر کے ہینور علاقے میں پیش آیا۔ امدادی کارروائیوں کے لیے فائر اینڈ ایمرجنسی ڈیپارٹمنٹ کی دو ریسکیو وینیں تعینات کی گئیں۔ ایک سینئر پولیس افسر نے کہا کہ ریسکیو آپریشن دیگر ایجنسیوں کی مدد سے مربوط کوششوں میں کیا جا رہا ہے۔
ایک ٹھیکیدار نے بتایا کہ عمارت گرنے کے وقت اس میں 20 مزدور تھے، جن میں ٹائل ورکرز، کنکریٹ ورکرز اور پلمبر شامل تھے۔ انہوں نے الزام لگایا کہ تہہ خانے کمزور تھا جس کی وجہ سے گرنے کا سبب بن سکتا ہے۔
ڈپٹی چیف منسٹر ڈی کے شیوکمار نے واقعہ پر ردعمل ظاہر کرتے ہوئے کہا کہ واقعہ کے وقت عمارت کے اندر کل 21 مزدور موجود تھے اور ان میں سے ایک کی موت ہوگئی۔
