پاکستان شوبز کی اداکارہ مریم نفیس ایک مرتبہ پھر سوشل میڈیا صارفین کی تنقید کا سامنا کر رہی ہیں اور ان کی صارفین کے ساتھ سوشل میڈیا پر لفظی جنگ جاری ہے۔
حال ہی میں اداکارہ مریم نفیس نے مداحوں کو انسٹاگرام پر تصاویر شیئر کرتے ہوئے خوشخبری سُنائی تھی کہ ان کے ہاں جلد پہلے بچے کی پیدائش متوقع ہے۔
انسٹاگرام پر ایکٹیو رہنے والی اداکارہ نے اب لندن سے کرسمس کی تیاریوں کی تصاویر شیئر کی ہیں جس میں انہوں نے کالے رنگ کا مغربی لباس زیب تن کیا ہوا ہے جس کے ساتھ سنہرے رنگ کی اونچی سینڈل بھی پہن رکھی ہے تاہم سوشل میڈیا صارفین کو اداکارہ کا یہ انداز نہ بھایا اور انہیں ٹرول کرنا شروع کردیا۔
View this post on Instagram
ایک صارف نے لکھا ’شرم کرو‘، جس پر مریم نفیس بھی غصے پر قابو نہ رکھتے ہوئے جواب دینے پر مجبور ہوگئیں اور صارف کو آڑے ہاتھوں لیتے ہوئے اس کا جوب دیا ’تم بھی شرم کرو، اتنے فارغ کیوں ہو جاؤ کوئی کام کرو‘۔
ایک صارف نے کہا کہ ’اگر آپ کو کرسمس کا مطلب معلوم ہوتا تو آپ یہ کہتی اور نہ ہی اس کا جشن مناتی‘۔ جس پر اداکارہ نے جواب دیتے ہوئے لکھا کہ ’گوگل کر کے اس کا صحیح مطلب بھیجنا‘۔
کئی صارفین نے اداکارہ کو ایسی حالت میں گھومنے پھرنے اور اونچی سینڈل پہننے سے گریز کرنے کا بھی مشورہ دیا۔
