ملتان( سپورٹس ڈیسک) پاکستان نے تیسرے ون ڈے انٹرنیشنل میں ویسٹ انڈیز کو53سے شکست دے کرون ڈے سیریزمیں وائٹ واش کردیا،بابرالیون نے مہمان ٹیم کوجیت کے لیے 270 رنز کا ہدف دیا تھا ،ویسٹ انڈیزکی پوری ٹیم 37.2اوورز میں 216رنزبناکرآﺅٹ ہوگئی ۔ تیسرے ون ڈے میچ میں قومی کرکٹ ٹیم کے کپتان بابراعظم نے ٹاس جیت کر پہلے بیٹنگ کرنے کا فیصلہ کیا۔قومی ٹیم کی جانب سے اننگز کا آغاز فخر زمان اور امام الحق نے کیا، دونوں بلے بازوں نے محتاط انداز سے بلے بازی کرتے ہوئے مجموعی اسکور پر 85 تک پہنچایا تو فخر زمان 35 رنز بنا کر پوران کی گیند پر بولڈ ہوئے، بعد ازاں بابر اعظم بھی صرف ایک رن بنا کر 88 رنز پر پویلین لوٹے۔دوسرے اینڈ پر امام الحق نے عمدہ بیٹنگ کرتے ہوئے اپنی نصف سنچری مکمل کی اور پھر وہ 68 گیندوں پر 62 رنز کی اننگز کھیل کر پویلین لوٹے، یوں پاکستان کو تیسرے نقصان کا سامنا کرنا پڑا، بعد ازاں محمد حارث اور رضوان بالترتیب 113 اور 117 کے مجموعی اسکور پر آو¿ٹ ہوئے۔33ویں اوور میں تیز آندھی کے باعث کھیل کو جب روکا گیا تو شاداب خان 22 اور خوشدل شاہ 15 رنز ناٹ آو¿ٹ کے ساتھ وکٹ پر موجود تھے جبکہ پوران نے دس اوورز میں 48 رنز دے کر چار وکٹیں حاصل کیں تھیں۔میچ کو دوبارہ شروع کرتے وقت 2 اوورز کو کم کر کے 48 اوورز تک مختص کیاگیا، خوشدل شاہ نے شاداب خان کے ساتھ شاندار بیٹنگ کرتے ہوئے اسکور کو 201 تک پہنچایا تو خوشدل شاہ 34 رنز بنا کر آو¿ٹ ہوئے، دوسرے اینڈ پر شاداب خان نے جارحانہ بلے بازی کے سلسلے کو جاری رکھا اور اپنی نصف سنچری مکمل کی۔مقررہ 48 اوورز میں قومی ٹیم نے 9 وکٹوں کے نقصان پر 269 رنز بنائے، شاداب خان 86 رنز بنا کر نمایاں بلے باز رہے جبکہ امام الحق 62 اور فخر زمان 35 رنز بنا کر آوٹ ہوئے، ویسٹ انڈیز کے پوران نے 4، کیمو پال نے دو، سیلز، واش اور اکیل حسین نے 1، 1 کھلاڑی کو شکار بنایا۔