بانی: عبداللہ بٹ      ایڈیٹرانچیف : عاقل جمال بٹ

بانی: عبداللہ بٹ

ایڈیٹرانچیف : عاقل جمال بٹ

طالبان کی آبادکاری کے ذمہ دارباجوہ،پارلیمانی کے سامنے جواب طلبی کرنی چاہئے،وزیردفاع

اسلام آباد:وزیردفاع خواجہ محمدآصف نے سابق آرمی چیف جنرل (ر)باجوہ کو ملک میں طالبان کی آبادکاری کا ذمہ دارقراردیتے ہوئے کہاہے کہ باجوہ سے پارلیمان کے سامنے جواب طلبی کرنی چاہئے ۔
نجی ٹی وی سے گفتگو کرتے ہوئے خواجہ آصف نے کہاکہ طالبان کی آبادکاری کی تجویزقمرجاویدباجوہ کی جانب سے آئی تھی وہ اس پرپوزل کے خالق تھے اب تردیدکیسے کرسکتے ہیں؟قمرجاویدباجوہ نے اسمبلی فورپر تقریر میں سہانے خواب دکھائے تھے ان سے پارلیمانی کے سامنے جواب طلبی کرنی چاہئے۔ایک سوال پر انہوں کہاکہ سوات میں جو جلوس نکلے تھے وہ کس کے خلاف نکلے تھے؟۔انہوں نے کہاکہ قومی سلامتی کمیٹی کے اجلاس میںبریفنگ دی جائے گی جس کے بعدبڑے اقدامات اٹھائے جائیں گے۔انہوں نے کہاکہ بانی پی ٹی آئی نے سانحہ جعفرایکسپریس کی مذمت تک نہیں کی وہ دہشت گردی کے سوا تمام موضوعات پر بات کرسکتے ہیں،جسے مذمت تک کی توفیق نہیں ہوئی اس سے بات کیوں کی جائے؟بانی پی ٹی آئی کو خود بلوچستان کے ایشوپر دلچسپی نہیں تو ہم اتنے پریشان کیوں ہورہے ہیں؟ انہوں نے کہاکہ نہری پانی کا مسئلہ سیاسی مسئلہ ہے یہ مسئلے پہلے بھی تھے اور گفتگو سے حل ہوتے رہے ہیں ،اگرکسی صوبے کو تحفظات ہیں تو وفاق کا فرض ہے کہ انہیں دورکرے۔